ທ່ານນາຍົກລັດຖະມົນຕີ ຫງວຽນຊວນຟຸກ ຖ່າຍຮູບເປັນທີ່ລະນຶກກັບຄະນະຜູ້ແທນສະຫະພັນບັນດາອົງການເສດຖະກິດຍີ່ປຸ່ນ (Keidanren), (ພາບ: TTXVN)

ທີ່ການຕ້ອນຮັບ,  ທ່ານນາຍົກລັດຖະມົນຕີ ຫງວຽນຊວນຟຸກ ຊີ້ແຈ້ງວ່າ ຫວຽດນາມ ຍາມໃດກໍຖືຍີ່ປຸ່ນເປັນຄູ່ຮ່ວມມືສໍາຄັນແຖວໜ້າ ແລະ ຄູູ່ຮ່ວມມືພັດທະນາຍາວນານ. ທ່ານນາຍົກລັດຖະມົນຕີ ປາດຖະໜາວ່າ ສອງຝ່າຍຈະສືບຕໍ່ເປີດກວ້າງການພົວພັນຮ່ວມມື, ສົມທົບກັນໃນທຸກຂົງເຂດຢ່າງບໍ່ຢຸດຢັ້ງ ເພື່ອຕອບສະໜອງຕາມຄວາມມຸ່ງມາດປາດຖະໜາຂອງບັນດາວິສາຫະກິດ ແລະ ປະຊາຊົນສອງປະເທດ. ພ້ອມທັງສະເໜີໃຫ້ຍີ່ປຸ່ນ ສືບຕໍ່ໜູນຊ່ວຍຫວຽດນາມໃນວິວັດການພັດທະນາເສດຖະກິດ, ສັງຄົມ, ໂດຍສະເພາະແມ່ນໃນບັນດາຂົງເຂດ ເຊິ່ງຫວຽດນາມພວມມີຄວາມຕ້ອງການຄື: ເຄື່ອງຈັກກະສິກໍາ, ນໍ້າມັນອາຍແກັດ, ການປຸງແຕ່ງ, ການປະດິດສ້າງ, ການພັດທະນາພື້ນຖານໂຄງລ່າງ... ຫວຽດນາມຈະຮັບຮອງເອົາສົນທິສັນຍາຄູ່ຮ່ວມມືຮອບດ້ານ ແລະ ກ້າວໜ້າຂ້າມປາຊີຟິກ (CPTPP) ໃນທ້າຍປີນີ້ ແລະ ປາດຖະໜາວ່າ ຈະພ້ອມກັບຍີ່ປຸ່ນຜັນຂະຫຍາຍສົນທິສັນຍາສະບັບສໍາຄັນນີ້.