ຂ່າວສານ

ທ່ານນາຍົກລັດຖະມົນຕີຫງວຽນຊວນຟຸກພົບປະກັບນາຍົກລັດຖະມົນຕີລາວ,ກຳປູເຈຍຢູ່ນອກກອງປະຊຸມສຸດຍອດອາຊຽນ 34

      ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ມີການພົບປະເຮັດວຽກກັບທ່ານນາຍົກລັດຖະມົນຕີລາວ ທອງລຸນ ສິສຸລິດ ແລະ ທ່ານນາຍົກລັດຖະມົນຕີກຳປູເຈຍ Samdech Techo Hunsen.

ນາຍົກລັດຖະມົນຕີ ລາວ-ຫວຽດນາມ-ກຳປູເຈຍ
(ພາບ: TTXVN)
      ວັນທີ 23 ມິຖຸນາ, ຢູ່ນະຄອນຫຼວງ ບາງກອກ, ປະເທດໄທ, ໃນຂອບເຂດການເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 34. ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ມີການພົບປະເຮັດວຽກກັບທ່ານນາຍົກລັດຖະມົນຕີລາວ ທອງລຸນ ສິສຸລິດ ແລະ ທ່ານນາຍົກລັດຖະມົນຕີກຳປູເຈຍ Samdech Techo Hunsen.
        ນາຍົກລັດຖະມົນຕີທັງ 3 ທ່ານໄດ້ເຫັນດີກ່ຽວກັບການຮ່ວມມືໃນເຂດ 3 ຫຼ່ຽມພັດທະນາກຳປູເຈຍ - ລາວ - ຫວຽດນາມ (CLV), ອະນຸພາກພື້ນແມ່ນ້ຳຂອງ, ສ້າງແຜນການສັງລວມເຊື່ອມຕໍ່ 3 ພື້ນຖານເສດຖະກິດໂດຍໄວ, ເນັ້ນໜັກເຖິງຄວາມສຳຄັນໃນການດຶງດູດບັນດາແຫຼ່ງການເງິນ, ເຕັກນິກໃຫ້ແກ່ບັນດາໂຄງການຢູ່ອະນຸພາກພື້ນແມ່ນ້ຳຂອງ. ນາຍົກລັດຖະມົນຕີ 3 ທ່ານ ໄດ້ເຫັນດີຊຸກຍູ້ການຄ້າ, ການລົງທຶນ, ເຊື່ອມຕໍ່ເຂດຊາຍແດນ, ຢືນຢັນຄວາມຕັດສິນໃຈສ້າງເຂດຊາຍແດນຂອງ 3 ປະເທດໃຫ້ເປັນເຂດແຫ່ງສັນຕິພາບ, ມິດຕະພາບ ແລະ ພັດທະນາ. ການນຳ 3 ທ່ານກໍ່ເຫັນດີສົມທົບກັນຢ່າງແໜ້ນແຟ້ນຢູ່ບັນດາເວທີປາໄສພາກພື້ນ ແລະ ສາກົນ, ຊຸກຍູ້ການສ້າງປະຊາຄົມອາຊຽນ ສາມັກຄີ, ເອກະພາບ, ເຂັ້ມແຂງດ້ວຍຕົນເອງ ແລະ ມີບົດບາດເປັນໃຈກາງ.
        ແລະກໍ່ໃນວັນດຽວກັນ, ທ່ານນາຍົກລັດຖະມົນຕີຫວຽດນາມ ຫວຽນຊວນຟຸກ ໄດ້ມີການພົບປະກັບທ່ານປະທານາທິບໍດີຟິລິບປີນ Rodrio Duterte. 2 ຝ່າຍໄດ້ແລກປ່ຽນບັນດາມາດຕະການເພື່ອແນໃສ່ຊຸກຍູ້ການພົວພັນ 2 ຝ່າຍ ແລະ ການຮ່ວມມືຢູ່ບັນດາເວທີປາໄສຫຼາຍຝ່າຍກວ່າອີກ. ທ່ານປະທານາທິບໍດີ Rodrio Duterte ໄດ້ສະແດງຄວາມຂອບໃຈຫວຽດນາມ ກ່ຽວກັບເລື່ອງ ກ່ຳປັ່ນຫາປາຂອງຫວຽດນາມ ໄດ້ຊ່ວຍກູ້ຊາວປະມົງຟີລິບປີນ 22 ຄົນທີ່ຖືກປະສົບກັບເຫດຮ້າຍຢູ່ທະເລ ເມື່ອວັນທີ 09 ມິຖຸນາ ຜ່ານມາ; ຢືນຢັນວ່າ ຈະສືບຕໍ່ສະຫງວນການປະພຶດມະນຸດທະທຳໃຫ້ຊາວປະມົງຫວຽດນາມ ບົນຈິດໃຈມິດຕະພາບທີ່ເປັນມູນເຊື້ອລະຫວ່າງ 2 ປະເທດ.
 (ແຫຼ່ງຄັດຈາກ VOV)


top