ເລື່ອງທ່ານນາຍົກລັດຖະມົນຕີຫວຽດນາມ ຟ້າມມິນຈິ໊ງ ເຂົ້າຮ່ວມກອງປະຊຸມ “ອະນາຄົດຂອງອາຊີ” ແມ່ນສືບຕໍ່ຢືນຢັນບົດບາດ ແລະ ທີ່ຕັ້ງຂອງຫວຽດນາມ ກ່ຽວກັບບັນດາບັນຫາໃຫຍ່ຂອງອາຊີ.
ທ່ານນາຍົກລັດຖະມົນຕີຫວຽດນາມ ຟ້າມມິນຈິ໊ງ (ພາບ: VGP)
ວັນທີ 20 ພຶດສະພາ, ກອງປະຊຸມສາກົນຄັ້ງທີ 26 ກ່ຽວກັບ “ອະນາຄົດຂອງອາຊີ” (FOA 2021) ຖືກໄຂຂຶ້ນຢ່າງເປັນທາງການຢູ່ ໂຕກຽວ, ປະເທດຍີ່ປຸ່ນ. ກອງປະຊຸມໄດ້ຈັດຂຶ້ນຕາມຮູບການອອນລາຍ ພາຍຫຼັງຖືກຕັດຕອນເປັນເວລາ 1 ປີຍ້ອນໂລກລະບາດໂຄວິດ-19.
ດ້ວຍຫົວຂໍ້ “ສ້າງສັງກາດພາຍຫຼັງໂລກລະບາດໂຄວິດ-19 ເປັນຮູບປະທຳ: ບົດບາດຂອງອາຊີ ໃນວິວັດການຟື້ນຟູທົ່ວໂລກ”, FOA 2021 ໂດຍມີການເຂົ້າຮ່ວມຂອງການນຳອາຊີຫຼາຍທ່ານ, ໃນນັ້ນບັນດາການນຳທີ່ມາຈາກພາກພື້ນອາຊີຕາເວັນອອກສ່ຽງໃຕ້ ລວມມີ: ນາຍົກລັດຖະມົນຕີ ຫວຽດນາມ, ນາຍົກລັດຖະມົນຕີ ກຳປູເຈຍ, ປະທານປະເທດ ລາວ, ນາຍົກລັດຖະມົນຕີ ມາເລເຊຍ, ນາຍົກລັດຖະມົນຕີ ໄທ ແລະ ຮອງນາຍົກລັດຖະມົນຕີ ທັງເປັນລັດຖະມົນຕີການເງິນ ສິງກະໂປ.
ເລື່ອງທ່ານນາຍົກລັດຖະມົນຕີຫວຽດນາມ ຟ້າມມິນຈິ໊ງ ເຂົ້າຮ່ວມກອງປະຊຸມ “ອະນາຄົດຂອງອາຊີ” ແມ່ນສືບຕໍ່ຢືນຢັນບົດບາດ ແລະ ທີ່ຕັ້ງຂອງຫວຽດນາມ ກ່ຽວກັບບັນດາບັນຫາໃຫຍ່ຂອງອາຊີ, ບົດຮຽນ ແລະ ມາດຕະການຮັບມືກັບບັນດາສິ່ງທ້າທາຍລວມຂອງພາກພື້ນ, ມານະພະຍາຍາມຄວບຄຸມໂລກລະບາດ ແລະ ຟື້ນຟູເສດຖະກິດ; ພ້ອມກັນນັ້ນ, ກໍ່ປະກອບສ່ວນເພີ່ມທະວີການພົວພັນຄູ່ຮ່ວມມືຍຸດທະສາດຢ່າງເລິກເຊິ່ງ, ກວ້າງຂວາງກັບຍີ່ປຸ່ນ, ຊຸກຍູ້ການຮ່ວມມືລະຫວ່າງຫວຽດນາມ - ຍີ່ປຸ່ນ ໃນບັນດາຂົງເຂດການເມືອງ, ເສດຖະກິດ, ສິ່ງແວດລ້ອມ; ດຶງດູດຄວາມສົນໃຈຈາກບັນດາວິສາຫະກິດຍີ່ປຸ່ນ ແລະ ສາກົນ.
(ແຫຼ່ງຄັດຈາກ VOV)