ຕອນເຊົ້າວັນທີ 23 ເມສາ, ທ່ານນາຍົກລັດຖະມົນຕີ ຟ້າມມິງຈິ້ງ ໄດ້ນຳໜ້າຄະນະຜູ້ແທນຂັ້ນສູງ ຫວຽດນາມ ອອກຈາກ ຮ່າໂນ້ຍ ໄປ Jakarta, ອິນໂດເນເຊຍ ເພື່ອເຂົ້າຮ່ວມກອງປະຊຸມບັນດາການນຳ ອາຊຽນ ຕາມຄຳເຊື້ອເຊີນຂອງເຈົ້າຊີວິດ ບຣູໄນ Darussalam Haji Hassanal Bolkiah.
ທ່ານນາຍົກລັດຖະມົນຕີ ຟ້າມມິງຈິ້ງ ອອກຈາກ ຮ່າໂນ້ຍ ໄປເຂົ້າຮ່ວມກອງປະຊຸມບັນດາການນຳ ອາຊຽນ. ພາບ: ເຢືອງຢາງ/VNA
ໄປນຳທ່ານນາຍົກລັດຖະມົນຕີ ຟ້າມມິງຈິ້ງ ລວມມີທ່ານລັດຖະມົນຕີກະຊວງການຕ່າງປະເທດ ບຸ່ຍແທງເຊີນ; ທ່ານລັດຖະມົນຕີ, ຫົວໜ້າຫ້ອງການລັດຖະບານ ເຈິ່ນວັນເຊີນ; ທ່ານຮອງລັດຖະມົນຕີ ກະຊວງແຜນການ ແລະ ການລົງທຶນ ເຈິ່ນກວັກເຟືອງ; ທ່ານຮອງຫົວໜ້າຫ້ອງການ ລັດຖະບານ ຫງວຽນຊວນແທ່ງ; ທ່ານຮອງລັດຖະມົນຕີ ກະຊວງການຕ່າງປະເທດ, ຫົວໜ້າ SOM ASEAN ຫວຽດນາມ ຫງວຽນກວັກຢຸງ; ທ່ານເອກອັກຄະລັດຖະທູດ ຜູ້ມີອຳນາດເຕັມ ຫວຽດນາມ ປະຈຳ ອິນໂດເນເຊຍ ຟ້າມກວາງວິງ ແລະ ທ່ານເອກອັກຄະລັດຖະທູດ, ຜູ້ຕາງໜ້າປະຈຳການ ຫວຽດນາມ ປະຈຳ ອາຊຽນ ຫງວຽນຫາຍບັ່ງ.
ຄາດຄະເນວ່າ ໃນແຜນການເຮັດວຽກຢູ່ຕ່າງປະເທດຄັ້ງນີ້, ນອກຈາກການປະຊຸມກັບບັນດາການນຳ ອາຊຽນ ເພື່ອແລກປ່ຽນກ່ຽວກັບສະພາບການຢູ່ ມຽນມາ, ການກໍ່ສ້າງປະຊາຄົມ, ການຮັບມືກັບໂລກລະບາດ ໂຄວິດ-19 ແລະ ການພົວພັນກັບຕ່າງປະເທດຂອງ ອາຊຽນ, ທ່ານນາຍົກລັດຖະມົນຕີ ຟ້າມມິງຈິ້ງ ຈະມີບັນດາການພົບປະສອງຝ່າຍກັບການນຳ ບັນດາປະເທດ ອາຊຽນ ເພື່ອຊຸກຍູ້ການພົວພັນທາງການທູດ ແລະ ແລກປ່ຽນກ່ຽວກັບບັນດາບັນຫາທີ່ພ້ອມກັນມີຄວາມສົນໃຈ.
ປະຕິບັດ: VNA/VNP