ໃນການເກີດໂລກລະບາດຮອບທີ 4 ນີ້, ຮ່າໂນ້ຍ ໄດ້ກວດພົບຜູ້ຕິດເຊື້ອພະຍາດໂຄວິດ 19 ລວມ 681 ຄົນ.
ຕອນເຊົ້າວັນທີ 19 ກໍລະກົດ, ທ່ານນາຍົກລັດຖະມົນຕີ ຟ້າມມິງຈິງ ໄດ້ເຮັດວຽກກັບນະຄອນ ຮ່າໂນ້ຍ ກ່ຽວກັບວຽກງານປ້ອງກັນ ຕ້ານໂລກລະບາດໂຄວິດ 19; ສະພາບພັດທະນາເສດຖະກິດ-ສັງຄົມ ໃນ 6 ເດືອນຕົ້ນປີ ແລະ ບັນດາໜ້າທີ່, ມາດຕະການຊຸກຍູ້ການຜະລິດດຳເນີນທຸລະກິດໃນຊຸມເດືອນທ້າຍປີ 2021.
ເມື່ອລາຍງານກັບທ່ານນາຍົກລັດຖະມົນຕີ ຟ້າມມິງຈິງ ກ່ຽວກັບວຽກງານປ້ອງກັນ ຕ້ານໂລກລະບາດໂຄວິດ 19, ທ່ານປະທານຄະນະກຳມະການ ປຊຊ ນະຄອນ ຮ່າໂນ້ຍ ຈູງອກແອັງ ໃຫ້ຮູ້ວ່າ: ໃນການເກີດໂລກລະບາດຮອບທີ 4 ນີ້, ຮ່າໂນ້ຍ ໄດ້ກວດພົບຜູ້ຕິດເຊື້ອພະຍາດໂຄວິດ 19 ລວມ 681 ຄົນ. ເຖິງວ່າ ສະພາບໂລກລະບາດຍັງມີການຜັນແປຢ່າງສັບສົນກໍ່ຕາມ ແຕ່ໃນ 6 ເດືອນຕົ້ນປີ 2021, ລະດັບການເຕີບໂຕເສດຖະກິດ-ສັງຄົມຂອງ ຮ່າໂນ້ຍ ຍັງບັນລຸລະດັບ 5,91%, ສູງກ່ວາທົບຫຼາຍເທົ່າເມື່ອທຽບກັບໄລຍະດຽວກັນຂອງປີ 2020 ຄື 2,92%.
ສະຫລຸບວາລະປະຊຸມ, ທ່ານນາຍົກລັດຖະມົນຕີ ຟ້າມມິງຈິງ ຮຽກຮ້ອງໃຫ້ສຸມໃສ່ 3 ໜ້າທີ່ບຸລິມະສິດອັນຮີບດ່ວນໃນປະຈຸບັນ ນັ້ນຄື ຕ້ອງຮັບມືຢ່າງຂ້ຽວຂາດ, ແຮງ ແລະ ບັນລຸປະສິດທິຜົນກ່ວາ ດ້ວຍເປົ້າໝາຍຕົ້ນຕໍແມ່ນປົກປ້ອງ ແລະ ເອົາໃຈໃສ່ເບິ່ງແຍງສຸຂະພາບຂອງ ປຊຊ:
ໃນຈຸດເວລານີ້, ຂ້າພະເຈົ້າສະເໜີໃຫ້ຕ້ອງບຸລິມະສິດອັນດັບ 1 ແລະ ພວກເຮົາຕ້ອງຮັກສາໃຫ້ນະຄອນຫຼວງ ບໍ່ໃຫ້ໂລກລະບາດແຜ່ຂະຫຍາຍອອກສູ່ວົງກ້ວາງ. ບ່ອນໃດປອດໄພ ຈຶ່ງຈັດຕັ້ງການຜະລິດດຳເນີນທຸລະກິດໃຫ້ເປັນຢ່າງດີ. ແຕ່ບຸລິມະສິດອັນດັບ 1 ແມ່ນການປ້ອງກັນ ແລະ ຕ້ານໂລກລະບາດ.
(ແຫຼ່ງຄັດຈາກ VOV)