ຕອນເຊົ້າວັນທີ 24 ພະຈິກ, ຢູ່ ໂຕກຽວ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເຂົ້າຮ່ວມການພົບປະ, ເຮັດວຽກກັບການນຳບັນດາກຸ່ມບໍລິສັດໃຫຍ່ຂອງ ຍີ່ປຸ່ນ ໃນຂົງເຂດຫັນເປັນດີຈີຕອນ ແລະ ແຈ້ງໃຫ້ຊາບກ່ຽວກັບຂະບວນວິວັດຫັນເປັນດີຈີຕອນຢູ່ ຫວຽດນາມ.
ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ພົບປະ, ເຮັດວຽກກັບການນຳບັນດາກຸ່ມບໍລິສັດໃຫຍ່ຂອງ
ຍີ່ປຸ່ນ ໃນຂົງເຂດຫັນເປັນດີຈີຕອນ (ພາບ: TTXVN)
ກ່າວຄຳເຫັນທີ່ການເຮັດວຽກ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໃຫ້ຮູ້ວ່າ ຫວຽດນາມ ດຳເນີນການຫັນເປັນດີຈີຕອນຕາມວິທີການສຳຜັດສັງລວມ, ເຊື່ອມຕໍ່ ແລະ ຍູ້ແຮງການຮ່ວມມືພາກລັດ ກັບ ພາກເອກະຊົນ. ປັດຈຸບັນ, ຫວຽດນາມ ມີທ່າແຮງໃນການພັດທະນາເສດຖະກິດ ແລະ ຫັນເປັນດີຈີຕອນ ແລະ ຄວາມສາມາດຂອງ ຫວຽດນາມ ໃນການປັບຕົວ ກໍຄື ຮັບເອົາທ່າອ່ຽງພັດທະນາທີ່ໃຫຍ່ໃນໂລກ, ລວມທັງເຕັກໂນໂລຢີດີຈີຕອນ, ຫັນເປັນດີຈີຕອນແມ່ນຈະແຈ້ງທີ່ສຸດ. ທ່ານນາຍົກລັດຖະມົນຕີ ຟ້າມມິງຈິງ ໃຫ້ຮູ້ວ່າ ຫວຽດນາມ ມີໂຄງການຫັນເປັນດີຈີຕອນລະດັບຊາດຮອດປີ 2025 ແລະ ກຳນົດທິດຮອດປີ 2030, ດ້ວຍ 3 ເສົາຄ້ຳຄື ລັດຖະບານດີຈີຕອນ, ເສດຖະກິດດີຈີຕອນ ແລະ ສັງຄົມດີຈີຕອນ. ໃນວິວັດການນັ້ນ, ຫວຽດນາມ ໄດ້ຖືປະຊາຊົນເປັນໃຈກາງ, ເປັນເຈົ້າກຳ ແລະ ຫວຽດນາມ ພວມມີໂຄງສ້າງປະຊາກອນທີ່ດີທີ່ສຸດ ດ້ວຍກຳລັງແຮງງານໜຸ່ມທີ່ຫຼວງຫຼາຍ, ມີໄຫວພິບ ແລະ ເຕັມໄປດ້ວຍກຳລັງບົ່ມຊ້ອນເພື່ອປະຕິບັດການຫັນເປັນດີຈີຕອນ. ໃນໄລຍະຈະມາເຖິງ, ຫວຽດນາມ ຈະສືບຕໍ່ປະຕິບັດສຳເລັດລະບອບລະບຽບການຫັນເປັນດີຈີຕອນ, ຫວຽດນາມ ກໍຈະຈັດແບ່ງແຫຼ່ງກຳລັງດ້ານການເງິນໃຫ້ແກ່ການຫັນເປັນດີຈີຕອນ; ລົງທຶນກ່ຽວກັບເຕັກໂນໂລຢີ, ຍົກສູງກຳລັງຄວາມສາມາດບໍລິຫານແຫ່ງຊາດຢ່າງເໝາະສົມ, ມີປະສິດທິຜົນ ແລະ ວິທະຍາສາດ.
(ແຫຼ່ງຄັດຈາກ VOV)