ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ເອກອັກຄະລັດຖະທູດ ແລະ ພະນັກງານ, ພາລະກອນສະຖານທູດບັນດາປະເທດ (ພາບ: VGP)

ຕອນບ່າຍວັນທີ 14 ທັນວາ, ຢູ່ສຳນັກງານລັດຖະບານ, ທີ່ ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເຮັດວຽກກັບເອກອັກຄະລັດຖະທູດ ແລະ ພະນັກງານ, ພາລະກອນສະຖານທູດບັນດາປະເທດ ອາຣັບບີ ຊະອຸດີ, ສະຫະລັດອາຣັບເອັມມີເຣດ (UAE), ກາຕາ ປະຈຳ ຮ່າໂນ້ຍ, ເພື່ອຊຸກຍູ້ການຫັນບັນດາຂໍ້ຕົກລົງຂັ້ນສູງລະຫວ່າງ ຫວຽດນາມ ກັບ 3 ປະເທດໃຫ້ປະກົດຜົນເປັນຈິງ.

ທີ່ການເຮັດວຽກ, ທ່ານນາຍົກລັດຖະມົນຕີ ຟ້າມມິງຈິງ ປາດຖະໜາຢາກພ້ອມກັບບັນດາປະເທດ ຕາເວັນອອກກາງ ແບ່ງປັນວິໄສທັດ, ຄວາມຄາດຫວັງໃນການພັດທະນາປະເທດ ແລະ ສາມາດຮ່ຳຮຽນເຊິ່ງກັນແລະກັນ, ຮ່ວມມືຕ່າງຝ່າຍຕ່າງມີຜົນປະໂຫຍດ ເພື່ອຫັນບັນດາເປົ້າໝາຍ, ຍຸດທະສາດແຫ່ງຊາດໃຫ້ປະກົດຜົນເປັນຈິງ. ທ່ານສະເໜີຈົ່ງສົມທົບກັນໂດຍໄວ, ຄົ້ນຄວ້າສ້າງຕັ້ງໜ່ວຍປະຕິບັດງານລວມ ເພື່ອຊຸກຍູ້ການຫັນບັນດາຂໍ້ຕົກລົງຂັ້ນສູງກ່ຽວກັບການສ້າງບາດກ້າວບຸກທະລຸດ້ານເສດຖະກິດ, ການຄ້າ ແລະ ການລົງທຶນໃຫ້ປະກົດຜົນເປັນຈິງ ຜ່ານການຍູ້ແຮງການເປີດປະຕູຕະຫຼາດໃຫ້ແກ່ສິນຄ້າທີ່ 2 ຝ່າຍມີທ່າແຮງ; ເພີ່ມທະວີການລົງທຶນ 2 ສົ້ນໃນບັນດາຂົງເຂດທີ່ຕ່າງຝ່າຍຕ່າງມີສົນໃຈ ແລະ ມີຜົນປະໂຫຍດ.

ສ່ວນບັນດາເອກອັກຄະລັດຖະທູດໃຫ້ຮູ້ວ່າ, ບັນດາປະເທດຕີລາຄາສູງຄວາມໝາຍ ແລະ ໝາກຜົນການຢ້ຽມຢາມ 3 ປະເທດໃນໄລຍະຜ່ານມາຂອງທ່ານນາຍົກລັດຖະມົນຕີ ຟ້າມມິງຈິງ ແລະ ພວມຮີບເຮັ່ງຊີ້ນຳການຜັນຂະຫຍາຍບັນດາຂໍ້ຕົກລົງທີ່ບັນລຸໄດ້ໃນການຢ້ຽມຢາມ.