ທ່ານນາງປະທານສະພາແຫ່ງຊາດ ຫງວຽນທິກິມເງິນ ແລະ ທ່ານ Kalma Malhotra, ຜູ້ປະສານງານສະຫະປະຊາຊາດ,
ຫົວໜ້າອົງການຕາງໜ້າ UNDP ປະຈຳ ຫວຽດນາມ
ຕອນບ່າຍວັນທີ 3/3, ຢູ່ສຳນັກງານສະພາແຫ່ງຊາດ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ໄດ້ໃຫ້ການຕ້ອນຮັບ ທ່ານ Kalma Malhotra, ຜູ້ປະສານງານສະຫະປະຊາຊາດ, ຫົວໜ້າອົງການຕາງໜ້າ UNDP ປະຈຳ ຫວຽດນາມ. ນະທີ່ນີ້, ທ່ານນາງປະທານສະພາແຫ່ງຊາດ ຫງວຽນທິກິມເງິນ ຂອບອົກຂອບໃຈການໜູນຊ່ວຍຂອງສະຫະປະຊາຊາດ, ແລະ UNDP ສຳລັບວິວັດການພັດທະນາເສດຖະກິດ ສັງຄົມຂອງ ຫວຽດນາມ. ສະພາແຫ່ງຊາດ ຫວຽດນາມ ຊົມເຊີຍ ສະຫະປະຊາຊາດ ໄດ້ຮັບຮອງເອົາລາຍການພັດທະນາ UNDP ເຊິ່ງໄດ້ໜູນຊ່ວຍການເຄື່ອນໄຫວຂອງສະພາແຫ່ງຊາດຢ່າງມີປະສິດທິຜົນ. ທ່ານນາງສະເໜີສະຫະປະຊາຊາດສືບຕໍ່ໜູນຊ່ວຍດ້ານເຕັກນິກໃນວິວັດແຫ່ງການຜັນຂະຫຍາຍບັນດາຄາດໝາຍພັດທະນາຢ່າງໝັ້ນຄົງ, ບັນດາແຜນການຮັບມືກັບການປ່ຽນແປງຂອງດິນຟ້າອາກາດ.
ສ່ວນ ທ່ານ Kalma Malhotra, ກໍ່ເນັ້ນໜັກວ່າ ຫວຽດນາມ ແມ່ນປະເທດນຳໜ້າໃນຂໍ້ລິເລີ່ມ ສະຫະປະຊາຊາດ ໜຶ່ງດຽວ ແລະ ສະພາແຫ່ງຊາດ ຫວຽດນາມ ແມ່ນອົງການຕາງໜ້າສູງສຸດຂອງປະຊາຊົນ ຫວຽດນາມ. ທ່ານ Kalma Malhotra ປາຖະໜາຢາກຊຸກຍູ້ຂໍ້ລິເລີ່ມນີ້ຢູ່ ຫວຽດນາມ. ສະຫະປະຊາຊາດຈະສືບຕໍ່ສົມທົບກັບສະພາແຫ່ງຊາດ ຫວຽດນາມ ໃນການຮຽບຮຽງເອກະສານດ້ານກົດໝາຍ. ພ້ອມທັງຢາກປະກອບສ່ວນເພື່ອນຳ ຫວຽດນາມ ກາຍເປັນປະເທດທີ່ມີລາຍຮັບປານກາງສູງ.
(ແຫຼ່ງຄັດຈາກ VOV)