ທ່ານນາງ ຫວໍທິແອງຊວນ ຮອງປະທານປະເທດ ຕີລາຄາສູງຈິດໃຈບຸກບື່ນຜ່ານຜ່າຄວາມຫຍຸ້ງຍາກ, ມີໄຫວພິບ, ມີປະສິດທິຜົນຂອງພໍ່ແມ່ປະຊາຊົນໃນການຮັບມືກັບໄພທຳມະຊາດ.
(ທ່ານນາງ ຫວໍທິແອງຊວນ ຮອງປະທານປະເທດ ຫວຽດນາມ, ໄດ້ໄປຢ້ຽມຢາມ, ລະດົມກຳລັງໃຈແກ່ປະຊາຊົນເຂດຖືກນ້ຳຖ້ວມແຂວງ ກວາງບິ່ງ)
ຕອນບ່າຍວັນທີ 16 ພະຈິກ, ທ່ານນາງ ຫວໍທິແອງຊວນ ຮອງປະທານປະເທດ ຫວຽດນາມ, ໄດ້ໄປຢ້ຽມຢາມ, ລະດົມກຳລັງໃຈແກ່ປະຊາຊົນເຂດຖືກນ້ຳຖ້ວມ, ບັນດາກິດຈະກຳຮັບໃຊ້ຊີວິດຂອງປະຊາຊົນ, ໂຄງການເສດຖະກິດຈຸດສຸມຂອງແຂວງ ກວາງບິ່ງ.
ກ່າວຄຳເຫັນຕໍ່ໜ້າປະຊາຊົນບ້ານ ວິງກວາງ, ຕາແສງ ເຊີນຖຸຍ, ເຊິ່ງແມ່ນເຂດ “ຖືກນ້ຳຖ້ວມຫຼາຍ” ຂອງ ເລ້ຖຸຍ ໃນປີ 2000, ທ່ານນາງ ຫວໍທິແອງຊວນ ຮອງປະທານປະເທດ ຕີລາຄາສູງຈິດໃຈບຸກບື່ນຜ່ານຜ່າຄວາມຫຍຸ້ງຍາກ, ມີໄຫວພິບ, ມີປະສິດທິຜົນຂອງພໍ່ແມ່ປະຊາຊົນໃນການຮັບມືກັບໄພທຳມະຊາດ. ທ່ານນາງຮອງປະທານປະເທດ ປາດຖະໜາວ່າ, ໃນໄລຍະຈະມາເຖິງ, ບັນດາວິສາຫະກິດ, ອົງການຈັດຕັ້ງ, ສ່ວນບຸກຄົນຜູ້ໃຈບູນໃຈກຸສົນ ຈະສືບຕໍ່ຮ່ວມເດີນທາງ, ໜູນຊ່ວຍ ເພື່ອໃຫ້ປະຊາຊົນມີບ່ອນຫຼີກລ້ຽງໄພທຳມະຊາດ ແລະ ມີປອນຫາເງິນລ້ຽງຊີບຕື່ມອີກ ເພື່ອຮັບປະກັນຊີວິດການເປັນຢູ່ໃນໄລຍະຍາວ, ປະກອບສ່ວນກໍ່ສ້າງຊົນນະບົດໃໝ່, ຍົກສູງຊີວິດການເປັນຢູ່ຂອງປະຊາຊົນ.
ຕໍ່ຈາກນັ້ນ, ທ່ານນາງ ຫວໍທິແອງຊວນ ຮອງປະທານປະເທດ ໄດ້ເຂົ້າຮ່ວມພິທີເປີດສະຫຼອງໂຄງການໄຟຟ້າແຮງລົມຢູ່ຕາແສງ ຢານິງ, ເມືອງ ກວາງນິງ; ໄປຖະຫວາຍທູບທຽນຢູ່ວິຫານຊາປະທານ ໂຮ່ຈີມິນ ແລະ ບັນດານັກຮົບວິລະຊົນເສຍສະຫຼະຊີວິດເພື່ອຊາດແຂວງ ກວາງບິ່ງ ຢູ່ນະຄອນ ດົ່ງເຮີຍ…
(ແຫຼ່ງຄັດຈາກ VOV)