ເຖິງວ່າ ເປັນຄົນຕາບອດ, ແຕ່ບັນດານັກຮຽນຂອງໂຮງຮຽນ ມັດທະຍົມສຶກສາ ຫງວຽນດິງຈຽວ ມີຄວາມເມົາມົວ ກັບກິລາ ເຕະບານ. ຄົນຕາບອດເຕະບານ ແມ່ນເລື່ອງຫາຍາກໃນຊີວິດ ແຕ່ສິ່ງດັ່ງກ່າວມີຈິງ ທີ່ໂຮງຮຽນມັດທະຍົມສຶກສາ ຫງວຽນດິງຈຽວ, ຮ່າໂນ້ຍ.
ໄດ້ຮັບການສ້າງຕັ້ງແຕ່ປີ 1997, ມາເຖິງປະຈຸບັນນີ້, ຂັນເຕະບານສຳລັບໃຫ້ແກ່ເດັກຕາບອດ ຍັງໄດ້ຮັບການຈັດຕັ້ງເປັນປະຈຳ 2 ປີຕໍ່ຄັ້ງ. ທິມບານເຕະຕາບອດຂອງໂຮງຮຽນມັດທະຍົມສຶກສາ ຫງວຽນດິງຈຽວ ມີທັງໝົດ 10 ຄົນ, ເຖິງວ່າ ຕາບອດແຕ່ພວກນ້ອງນ້ອຍ ສາມາດຫຼອກບານ, ແລ່ນ ແລະ ຍິງປະຕູຄືກັບນັກເຕະບານ ມືອາຊີບ. ພວກນ້ອງບໍ່ພຽງແຕ່ເຕະບານໃນໂຮງຮຽນເທົ່ານັ້ນ, ຫາກຍັງມີໂອກາດ ໄປແຂ່ງຂັນກັບບັນດາທິມບານເຕະຕາບອດຕ່າງໆ ອີກດ້ວຍ. ທິມບານເຕະຕາບອດຂອງໂຮງຮຽນມັດທະຍົມສຶກສາ ຫງວຽນດິງຈຽວ ໄດ້ເຂົ້າຮ່ວມ ໃນການແຂ່ງຂັນ ຊີງຂັນບານເຕະຕາບອດ ທົ່ວປະເທດ ເປັນເລື້ອຍໆ, ເຂົ້າຮ່ວມມີ 4 ທິມບານເຕະ ຕາບອດມາຈາກນະຄອນ ຖາຍງວຽນ, ດ່າໜັງ, ຫາຍຝ່ອງ ແລະ ໂຮງຮຽນມັດທະຍົມສຶກສາ ຫງວຽນດິງຈຽວ, ຮ່າໂນ້ຍ. |