ນາງ ຫງວຽນທິລຽນ ເປັນມະເຮັງເຕົ້ານົມ ໄລຍະສຸດທ້າຍ ໄດ້ຖືພາ ແລະ ໃຫ້ກຳເນີດລູກນ້ອຍ ໂດ໊ບິ່ງອານ ປະສົບຜົນສຳເລັດ, ໄດ້ກາຍເປັນສິ່ງປະຕິຫານ ວ່າດ້ວຍ ຄວາມຮັກຂອງແມ່ທີ່ມີຕໍ່ລູກ. ຫຼັງຈາກເກີດລູກ, ນາງ ລຽນ ຕ້ອງຢູ່ໂຮງໝໍ K ເພື່ອການປິ່ນປົວພະ ຍາດ, ສ່ວນລູກຊາຍຂອງ ນາງ ໄດ້ສົ່ງໄປຍັງໂຮງໝໍເດັກສູນກາງ ເພື່ອການຕິດຕາມ. ຫຼັງການຄອດລູກ ເປັນເວລາ 20 ວັນ, ນາງ ລຽນ ໄດ້ໄປຍັງ ໂຮງໝໍເດັກສູນກາງ ເພື່ອຢ້ຽມຢາມລູກ ໄດ້ເຮັດໃຫ້ ທ່ານໝໍ ນາຍແພດ ຫຼາຍຄົນ ເຫັນ ກັບຕາໃນມື້ນັ້ນ ຕ່າງກໍຕ້ອງຮູ້ ສຶກຕື້ນຕັນໃຈ.
ດຣ ເຈິ່ນວັນຖ໋ວນ, ຜູ້ອຳນວຍການໂຮງໝໍ K ໃຫ້ຮູ້ວ່າ: ກໍລະນີ ນາງ ລຽນ ຄອດລູກ ແລະ ໄດ້ພົບກັບລູກ ແມ່ນສິ່ງປະຕິຫານ ຢ່າງ ແທ້ຈິງ ຍ້ອນໃນມື້ທຳອິດຫຼັງການຜ່າຕັດ, ນາງ ລຽນ ມີສຸຂະພາບ ອ່ອນແອຫຼາຍ, ບາງມື້ຍັງຢູ່ໃນ ສະພາບໝົດສະຕິ, ບັນດາ ທ່ານໝໍ ເຄີຍຄາດວ່າ ນາງ ອາດບໍ່ມີໂອກາດ ພົບໜ້າລູກຊາຍ. ແຕ່ວ່າ ວັນແຫ່ງຄວາມຫວັງນັ້ນໄດ້ມາເຖິງ ເໝືອນດັ່ງໃນຄວາມຝັນ.
ດຣ ເຈິ່ນວັນຖ໋ວນ, ຜູ້ອຳນວຍການໂຮງໝໍ K ເປັນຜູ້ກວດພະຍາດ ໂດຍກົງ ໃຫ້ແກ່ນາງ ຫງວຽນທິລຽນ
ກ່ອນສົ່ງນາງ ຂຶ້ນລົດໄປຍັງໂຮງໝໍເດັກສູນກາງ. ພາບ: ກົງດາດ
ເພື່ອໃຫ້ນາງ ລຽນ ສາມາດໄປຍັງໂຮງໝໍເດັກສູນກາງ ໃນເວລາ 9ໂມງເຊົ້າ, ກຸ່ມທ່ານໝໍ ນາຍແພດທຸກຄົນ ທີ່ຮັບຜິດຊອບ ການປິ່ນ ປົວພະຍາດ ໃຫ້ນາງ ລຽນ
ດ້ເຕົ້າໂຮມກັນແຕ່ເຊົ້າໆ ເພື່ອປຶກສາຫາລື ບົ່ງມະຕິພະຍາດ ແລະ ກະກຽມ ໃຫ້ການໄປ ຢ້ຽມຢາມລູກ
ຂອງ ນາງ ລຽນ ດ້ວຍຄວາມຕື່ນເຕັ້ນ. ພາບ: ກົງດາດ
ດຣ ເຈິ່ນວັນຖ໋ວນ, ຜູ້ອຳນວຍການ ໂຮງໝໍ K ນັ່ງເທິງລົດ ສຸກເສີນ ນຳ ນາງ ລຽນ ໄປຍັງໂຮງໝໍເດັກສູນກາງ. ພາບ: ກົງດາດ
ນາງ ລຽນ ໄດ້ນາຍແພດ ຄ່ອຍຊ່ວຍ ຂຶ້ນລົດເຂັນ ຢູ່ໂຮງໝໍ ເດັກ ສູນກາງ. ພາບ: ກົງດາດ
|
ບັນຍາກາດ ໃນຫ້ອງເດັກແດງ ຂອງໂຮງໝໍເດັກສູນກາງ ໃນຕອນ ເຊົ້າມື້ນັ້ນ ເຮັດໃຫ້ ໃຜພົບເຫັນ ກໍຕ້ອງ ມີຄວາມຮູ້ສຶກຕື້ນຕັນໃຈ. ຜູ້ເປັນແມ່ ສຸຂະພາບອ່ອນແອ, ຢືນຍັງສັ່ນເຊັນ ກັບ ຫົວທ່ີບໍ່ມີຜົມ ໄດ້ໂອບກອດລູກນ້ອຍເຂົ້າໃນຊ່ວງເອິກ. ເບິ່ງລູກ ກະດຸກກະດິກ ໃນວົງແຂນ, ໄຫ້ແງໆ, ນາງ ກໍເປັ່ງສຽງໄຫ້ຕາມ ເພື່ອຄວາມສຸກ ແລະ ເພື່ອຄວາມປາດຖະໜາຢາກອຸ້ມລູກ ໄດ້ປະກົດຜົນເປັນຈິງ.
ທ່ານໝໍ ໂຮງໝໍເດັກສູນກາງ ມອບລູກໃຫ້ແກ່ນາງ ລຽນ. ພາບ: ກົງດາດ
ນີ້ແມ່ນຄັ້ງທຳອິດ ນາງ ລຽນ ໄດ້ອຸ້ມລູກໃນອ້ອມກອດ. ສຸຂະພາບ ຂອງ ຫຼານ ບິ່ງອານ ມີການດີຂຶ້ນເປັນລຳດັບ, ນຳ້ໜັກຂອງ ຫຼານ ໄດ້ເພີ່ມຂຶ້ນ 250 ກຣາມ
ເມື່ອທຽບກັບ ມື້ທຳອິດເຂົ້າໂຮງໝໍ. ພາບ: ກົງດາດ
ພາຍຫຼັງ 23 ວັນ ນັບຕັ້ງແຕ່ມື້ເກີດ, ສຸຂະພາບຂອງຫຼານນ້ອຍ ບ່ິງອານໄດ້ຄ່ອຍໆ ເຂົ້າສູ່ສະພາບປົກກະຕິ. ພາບ: ກົງດາດ
ສອງຜົວເມຍ ນາງ ລຽນ ເບິ່ງລູກຊາຍຂອງຕົນ ດ້ວຍຄວາມ ປາບປຶ້ມດີໃຈ. ພາບ: ກົງດາດ
ກ່ອນຈາກ, ນາງ ລຽນໄດ້ກ່າວ ແລະ ສັນຍາກັບລູກວ່າ:“ລູກຢູ່ທີ່ນີ້, ເມື່ອໃດແມ່ແຂງແຮງ, ແມ່ຈະກັບມາຫາລູກອີກ!”. ພາບ: ກົງດາດ
|
ເປັນຄັ້ງທຳອິດໄດ້ກອດລູກ ນັບຕັ້ງແຕ່ ມື້ເກີດລູກ, ຮອຍຍິ້ມ ທີ່ມີຄວາມສຸກ ໄດ້ປະກົດຂຶ້ນ ຢູ່ເທິງໃບໜ້າ ຂອງແມ່ລູກອ່ອນ. ນາງ ຂຶ້ນລົດ ກັບຄືນໂຮງໝໍ K ເພື່ອສືບຕໍ່ການປິ່ນປົວ ນາງ ລຽນ ໄດ້ກ່າວ ແລະ ໃຫ້ຄຳສັນຍາກັບລູກ: “ລູກຢູ່ທີ່ນີ້, ເມື່ອໃດ ແມ່ແຂງແຮງ, ແມ່ຈະກັບມາຫາລູກອີກ!”.
ບົດ ແລະ ພາບ: ກົງດາດ