ຕອນເຊົ້າວັນທີ 14 ພຶດສະພາ, ຄະນະກຳມະການແນວໂຮມປະເທດຊາດຫວຽດນາມ ນະຄອນໂຮ່ຈີມິນ ໄດ້ຈັດຕັ້ງການພົບປະສັງສັນເພື່ອສະເຫຼີມສະຫຼອງ 130 ປີແຫ່ງວັນຄ້າຍວັນເກີດປະທານໂຮ່ຈີມິນ (19/05/1890 – 19/05/2020) ແລະ ຍ້ອງຍໍຊົມເຊີຍບັນດາແບບຢ່າງທີ່ຕັ້ງໜ້າຮ່ຳຮຽນ ແລະ ປະຕິບັດຕາມແນວຄິດ, ຄຸນສົມບັດປະທານໂຮ່ຈີມິນ, ໄລຍະ 2019 – 2020.
ຍ້ອງຍໍຊົມເຊີຍບັນດາແບບຢ່າງຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດໂຮ່ຈີມິນ
ທີ່ການພົບປະສັງສັນ, ບັນດາຜູ້ແທນໄດ້ຫວນຄືນຄຸນງາມຄວາມດີອັນຍິ່ງໃຫຍ່ຂອງປະທານໂຮ່ຈີມິນທີ່ມີຕໍ່ພາລະກິດຕໍ່ສູ້ປົດປ່ອຍຊາດ. ທ່ານ ເຮືອຫວີງຟຸກ, ຮອງປະທານຜູ້ປະຈຳຄະນະກຳມະການແນວໂຮມປະເທດຊາດຫວຽດນາມ ເມືອງ 1 ໄດ້ຮັບການຍ້ອງຍໍຊົມເຊີຍໃນນາມສ່ວນຕົວ ໃຫ້ຮູ້ວ່າ:
“ພະນັກງານ, ລັດຖະກອນແຕ່ລະຄົນຜ່ານການຮ່ຳຮຽນເອົາແບບຢ່າງຂອງປະທານໂຮ່ຈີມິນ ນັ້ນແມ່ນປະຕິບັດການຮັບໃຊ້ປະຊາຊົນໄດ້ເປັນຢ່າງດີກ່ວາ. ໃນຊຸມປີມໍ່ໆມານີ້, ພວກຂ້າພະເຈົ້າເຫັນວ່າ ບໍ່ພຽງແຕ່ສະມາຊິກພັກເທົ່ານັ້ນ ຫາກຍັງນັບທັງມະຫາຊົນກໍ່ມີຄວາມເຂົ້າໃຈແຈ້ງກ່ວາ ແລະ ໄດ້ເຂົ້າຮ່ວມວຽກງານປ້ອງກັນຊາດ-ປ້ອງກັນຄວາມສະຫງົບ, ເພື່ອຮັບປະກັນຊີວິດສັງຄົມໃນບໍລິເວນອີກດ້ວຍ.”
(ແຫຼ່ງຄັດຈາກ VOV)