ນທີ 13 ກັນຍາ, ກອງບັນຊາການຕຳຫຼວດທະເລເຂດ 4, ສານປະຊາຊົນແຂວງ ກາເມົາ ໄດ້ສົມທົບກັບບັນດາອົງການທີ່ກ່ຽວຂ້ອງ ຈັດຕັ້ງ ວາລະພິພາກສາຂອງສານຈຳລອງ 2 ສາລະ ຢູ່ຕາແສງ ດົ່ງຫາຍ ແລະ ຕາແສງ ຫຽບແທັ່ງ, ເພື່ອແນໃສ່ໂຄສະນາໃຫ້ແກ່ປະຊາຊົນກ່ຽວກັບການຕ້ານຂຸດຄົ້ນ IUU ໃນບໍລິເວນ.
ບັນດາຜູ້ແທນ ແລະ ຊາວປະມົງເຂົ້າຮ່ວມວາລະພິພາກສາຈຳລອງ (ພາບ: VNA))
ນະທີ່ນີ້, ຊາວປະມົງໄດ້ຕິດຕາມໂດຍກົງຈາກກໍລະນີລະເມີດ, ຂັ້ນຕອນພິພາກສາ ຕະຫຼອດຮອດການຕັດສິນຂອງສານ, ຜ່ານນັ້ນ, ກໍ່ກຳໄດ້ບັນດາຂໍ້ກຳນົດກ່ຽວກັບການເຄື່ອນໄຫວຂຸດຄົ້ນທີ່ຖືກຕ້ອງຕາມກົດໝາຍ ແລະ ການກະທຳທີ່ລະເມີດກົດໝາຍ. ເຂົ້າຮ່ວມວາລະພິພາກສາຈຳລອງ, ຊາວປະມົງຕາແສງ ດົງຫາຍ ແລະ ຕາແສງ ຫຽບແທັ່ງ ຍັງໄດ້ແຈກໃບປິວໂຄສະນາ, ໜູນຊ່ວຍຊາວປະມົງໃນການອອກນອກຝັ່ງ, ຕິດພັນກັບທະເລ, ຫຼີກລ້ຽງພະຍຸ; ປະຕິບັດບັນດາຂໍ້ກຳນົດກົດລະບຽບກ່ຽວກັບການຕ້ານການຂຸດຄົ້ນ IUU ຢ່າງເຂັ້ມງວດ; ໂອ້ລົມສົນທະນາກົດໝາຍວ່າດ້ວຍການຕ້ານການຂຸດຄົ້ນ IUU...
ສ່ວນຢູ່ແຂວງ ເລີມດົ່ງ, ເຊິ່ງເປັນທ້ອງຖິ່ນສືບຕໍ່ໄດ້ເພີ່ມທະວີການເຄື່ອນໄຫວຄຸ້ມຄອງກ່ຳປັ່ນ, ຄວບຄຸມການເຂົ້າ - ອອກທ່າ ແລະ ຕິດຕາມການເດີນທາງຜ່ານແອັບໃນໂທລະສັບ, ການປັບໄໝກ່ຳປັ່ນທີ່ລະເມີດຢ່າງຂ້ຽວຂາດ, ປະກອບສ່ວນພ້ອມກັບທົ່ວປະເທດແກ້ໄຂ “ບັດເຫຼືອງ” ຂອງຄະນະກຳມະການ ເອີລົບ (EC). ຊາວປະມົງຢູ່ແຂວງ ເລີມດົ່ງ, ໃຫ້ຮູ້ວ່າ:
“ເມື່ອກ່ຳປັ່ນເຂົ້າທຽບທ່າເຮົາຕ້ອງແຈ້ງລາຍງານ. ເວລາອອກໄປທະເລຫາປາກໍ່ຕ້ອງແຈ້ງ, ຕ້ອງປະຕິບັດຂັ້ນຕອນອອກສູ່ທະເລ. ສຳລັບເຄື່ອງມືຕິດຕາມການເດີນທາງອອກສູ່ທະເລຕ້ອງກະກຽມ 2 ໜ່ວຍ ແລະ ເປີດທຸກເວລາ”.
“ຂ້າພະເຈົ້າມາແຫ່ງນີ້ເພື່ອແຈ້ງການບັນທຶກການເດີນທາງ. ທຸກຂັ້ນຕອນໄດ້ປະຕິບັດໃນແອັບຂອງໂທລະສັບໝົດ. ຕອນອອກໄປທະເລ, ເຮົາໄດ້ລົງທະບຽນບັນທຶກໃນແອັບ ແລ້ວລໍຖ້າການຢັ້ງຢືນ ເຮົາສາກໍ່ມາດອອກໄປໄດ້ເລີຍ. ແອັບນີ້ ໃຊ້ແບບບໍ່ຕ້ອງມີຄື້ນສັນຍານ, ອິນເຕີເນັດ, ເຮົາລົງທະບຽນແລ້ວມັນຈະແຈ້ງຈຸດພິກັດທັນທີ”.