ທ່ານລັດຖະມົນຕີກະຊວງການຕ່າງປະເທດ ບຸຍແທັງເຊີນ ກໍ່ສະເໜີບັນດາຫົວໜ່ວຍ ແລະ ຫົວໜ້າອົງການຕາງໜ້າສືບຕໍ່ຍູ້ແຮງການຄົ້ນຄ້ວາ, ເປັນເສນາທິການ ແລະ ຄາດຄະເນຍຸດທະສາດກ່ຽວກັບເສດຖະກິດ, ຕິດຕາມການຜັນແປດ້ານເສດຖະກິດໂລກ ແລະ ພາກພື້ນຢ່າງຕິດແທດ, ຕີລາຄາກ່ຽວກັບຂໍ້ລິເລີ່ມເຊື່ອມຕໍ່ດ້ານເສດຖະກິດໃໝ່.

  ທ່ານລັດຖະມົນຕີກະຊວງການຕ່າງປະເທດ ບຸຍແທັງເຊີນ ເປັນປະທານກອງປະຊຸມ   

ເອກອັກຄະລັດຖະທູດ, ຫົວໜ້າອົງການຕາງໜ້າແຕ່ລະທ່ານ ຄວນຍົກສູງຄວາມຮັບຜິດຊອບຕໍ່ພັກ, ຕໍ່ປະຊາຊົນ, ເສີມຂະຫຍາຍບັນດາບົດຮຽນປະສົບການໃນການຜັນຂະຫຍາຍການທູດເສດຖະກິດ, ປະກອບສ່ວນເພື່ອນຳປະເທດຊາດສືບຕໍ່ຮັກສາທ່າເຕີບໂຕ ແລະ ປະຕິບັດບັນດາເປົ້າໝາຍພັດທະນາເສດຖະກິດສັງຄົມ ເຊິ່ງກອງປະຊຸມໃຫຍ່ຄັ້ງທີ 13 ໄດ້ວາງອອກ. ນີ້ແມ່ນຂໍ້ສະເໜີຂອງທ່ານລັດຖະມົນຕີກະຊວງການຕ່າງປະເທດ ບຸຍແທັງເຊີນ ຢູ່ກອງປະຊຸມເລກປ່ຽນວຽກງານກ່ຽວກັບ “ການຍູ້ແຮງການຜັນຂະຫຍາຍວຽກງານການທູດເສດຖະກິດ ເພື່ອຮັບໃຊ້ໃຫ້ແກ່ການພັດທະນາ” ກັບບັນດາອົງການຕາງໜ້າ ຫວຽດນາມ ປະຈຳ ຕ່າງປະເທດ. ກອງປະຊຸມໂດຍກະຊວງການຕ່າງປະເທດ ຈັດຂຶ້ນໃນຕອນຄ່ຳວັນທີ 28 ພະຈິກ ຢູ່ຮ່າໂນ້ຍ.

ທ່ານລັດຖະມົນຕີກະຊວງການຕ່າງປະເທດ ບຸຍແທັງເຊີນ ກໍ່ສະເໜີບັນດາຫົວໜ່ວຍ ແລະ ຫົວໜ້າອົງການຕາງໜ້າສືບຕໍ່ຍູ້ແຮງການຄົ້ນຄ້ວາ, ເປັນເສນາທິການ ແລະ ຄາດຄະເນຍຸດທະສາດກ່ຽວກັບເສດຖະກິດ, ຕິດຕາມການຜັນແປດ້ານເສດຖະກິດໂລກ ແລະ ພາກພື້ນຢ່າງຕິດແທດ, ຕີລາຄາກ່ຽວກັບຂໍ້ລິເລີ່ມເຊື່ອມຕໍ່ດ້ານເສດຖະກິດໃໝ່, ທ່າອ່ຽງຫັນປ່ຽນລະບົບສະໜອງຢ່າງເລິກເຊິ່ງ ແລະ ຊອກຫາກາລະໂອກາດເພື່ອດຶງດູດການລົງທຶນຢ່າງທັນການ, ພິເສດແມ່ນໃນບັນດາຂົງເຂດເຕັກໂນໂລຢີສູງ, ພະລັງງານສີຂຽວ, ການຫັນເປັນດີຈີຕອນ, ກະສິກຳໝູນໃຊ້ເຕັກໂນໂລຢີສູງ… ສືບຕໍ່ໜູນຊ່ວຍວິສາຫະກິດ, ທ້ອງຖິ່ນໃນການຊຸກຍູ້ການພົວພັນກັບບັນດາຄູ່ຮ່ວມມື, ກຸ່ມບໍລິສັດໃຫຍ່ຂອງຕ່າງປະເທດ ແລະ ເປີດກວ້າງຕະຫຼາດສົ່ງອອກ.