ດ້ວຍ​ຄວາມ​ຫຼົງໄຫຼກັບ​ ແຟຊັ່ນ​ ແຕ່ຍັງນ້ອຍ ​ແລະ ຄວາມ​ມຸ່ງ​ມາດ​ປາດ​ຖະໜາ​ ຢາກ​ສ້າງ​ບັນດາ​ຜະລິດ​ຕະພັນ​ອອກ​ແບບ​ ທີ່​ມີ​ລັກສະນະ ​ວັດທະນະທຳ ​ຂອງ​ຊາດ, ນັກ​ອອກ​ແບບ​ໜຸ່ມ ຟ້າມທິເຫວ້ແອງ ​ໄດ້​ນຳສະເໜີ ​ຊຸດ​ສະ​ສົມ 24 ໄດ້​ຮັບ​ແຮງ​ບັນດານ​ໃຈ​ຈາກ ຊາປາ (ແຂວງ ລາວ​ກາຍ).

ນັກອອກແບບ ຟ້າມທິເຫວ້ແອງ, ຜູ້ອອກແບບ ຊຸດສະສົມ 24.

ເກີດ ​ແລະ ​ໃຫຍ່​ຢູ່​ ລາວ​ກາຍ, ນາງ ຟ້າ​ມທິ​ເຫວ້ແອງ ມີ​ຄວາມ​ຫຼົງ ໄຫຼ​ກັບ ​ແຟຊັ່ນ ​ແຕ່​ຍັງ​ນ້ອຍ ຍ້ອນ​ພໍ່​ແມ່​ ເຮັດ​ວຽກ​ເປັນ​ຊ່າງ​ຕັດ ຫຍິບ. ຫຼັງ​ຈາກ​ຮຽນ​ຈົບ​ ມັດທະຍົມ​ປາຍ, ​ເຫວ້ແອງ​ ໄດ້​ຮຽນ​ການ​ແຕ້ມ​ຮູບ ແລະ ເສັງເຂົ້າ​ສະ​ຖາ​ບັນ​ການ​ອອກ​ແບບ​ແຟ​ຊັ່ນ​ ລອນ​ດອນ, ຮ່າ​ໂນ້ຍ.

ເຫວ້​ແອງ ​ແບ່ງປັນ​ວ່າ: “ຂ້າພະ​ເຈົ້າ​ຢາກສ້າງຊຸດສະສົມ​ນີ້​ ຕັ້ງ​ແຕ່​ຫາກໍ່ເຂົ້າ​ໂຮງຮຽນ, ດັ່ງ​ນັ້ນ ​ຂ້າພະ​ເຈົ້າ ​ໄດ້​ຄົ້ນ​ຄວ້າ​ເພື່ອ​ສາມາດ​ສ້າງ​ຊຸດ​ສະ​ສົມ​ ດ້ວຍ​ລວດລາຍ​ທີ່​ສະ​ແດງ​ໃຫ້​ເຫັນ​ເຖິງ​ພູມ​ສັນ ຖານ ​ແລະ ຊາວ​ເຜົ່າ ​ມົ້ງ ​ຢູ່ ຊາ​ປາ”.

ນັກອອກແບບ ເຫວ້ແອງ ໃຊ້ເວລາ 3 ເດືອນ ອອກແບບ ຊຸດສະສົມ 24 ແລະ 3 ເດືອນ ເພື່ອພັດທະນາ ແນວຄວາມຄິດ ເຂົ້າໃນການແຕ້ມຮູບ ແລະ ຄັດເລືອກເອົາຕົວແບບທີ່ດີທີສຸດ ມາຕັດຫຍິບເປັນຊຸດ ແຟຊັ່ນ ທີ່ສົມບູນ ໂດຍໄດ້ຮັບການ ຊ່ວຍເຫຼືອຈາກບັນດາອາຈານຢູ່ ສະ​ຖາ​ບັນ​ການ​ອອກ​ແບບ​ແຟ​ຊັ່ນ​ ລອນ​ດອນ, ຮ່າ​ໂນ້ຍ.

ເພື່ອ​ຊອກ​ໃຫ້ໄດ້ ວັດຖຸດິບ ​ທີ່​ເໝາະ​ສົມ​ກັບ​ຕົວ​ຢ່າງ​ໃນ​ຊຸດ​ສະ​ສົມ, ນາງ ​ເຫວ້ແອງ ຕ້ອງ​ໄປ​ຕະຫຼາດ ຫຼື ​ເຂົ້າເຖິງ​ຄອບຄົວ​ຂອງ​ຊາວ​ເຜົ່າ ​ມົ້ງດຳ ​ແລະ ເຮີ​ມົ້ງ  ​ເພື່ອ​ຊອກຊື້​ຊຸດ​ໂສ້ງເສື້ອ​ເກົ່າ​. ຫຼັງຈາກຊື້ ໄດ້ແພພື້ນເມືອງທີ່ໜ້າພໍໃຈ ແລ້ວ, ຕ້ອງໃຊ້ເວລາ ເພື່ອຊອກເຫັນຜ້າຊະນິດທີ່ແຂງ ແລະ ທົນທານ ເພື່ອປະສານເຂົ້າກັບແພພື້ນ ເມືອງ ເຮັດໃຫ້ຖືກກັບຄວາມຄິດ ຂອງ ການອອກແບບ.

ຊຸດສະສົມ 24, ລວມມີ 7 ແບບທີ່ເປັນເອກະລັກ ສະເພາະ ຂອງ ເຫວ້ແອງ, ສະແດງໃຫ້ເຫັນທິວທັດທຳມະຊາດ ທີ່ສວຍງາມ, ທົ່ງນາ ຂັ້ນໄດ, ສະຖາປັດຕະຍະກຳ ເຮືອນພື້ນເມືອງ ຂອງ ບັນດາ ຊາວເຜົ່າ ສ່ວນໜ້ອຍ. ສີທີ່ໃຊ້ແມ່ນ ສີຟ້າ ທີ່ເປັນຕົວແທນຂອງ ຊາປາ, ສີແດງ ແລະ ສີສົ້ມທີ່ ເປັນຕົວແທນຂອງຟ້າດິນ ແລະ ສົມທົບກັບສີບົວ ທີ່ເປັນ ແນວໂນ້ມສີ ຂອງ ປີ 2022.

 ບົດ: VNP/ເງິນຮ່າ - ພາບ: ແທງຢາງ -ແປໂດຍ: ຢືຟຽນ