ດ້ວຍບົດບາດເປັນສະມາຊິກຫຼັກແຫຼ່ງຂອງ ອີຢູ, ຈະປະກອບສ່ວນຢ່າງຕັ້ງໜ້າເຂົ້າໃນການຊຸກຍູ້ການພົວພັນດ້ານເສດຖະກິດ ແລະ ການຄ້າລະຫວ່າງສອງຝ່າຍ.
ທ່ານ ຫວາງອີ, ລັດຖະມົນຕີກະຊວງການຕ່າງປະເທດ ຈີນ (ພາບ: VNA)
ວັນທີ 10 ພະຈິກ, ທ່ານ ຫວາງອີ, ລັດຖະມົນຕີກະຊວງການຕ່າງປະເທດ ຈີນ ໄດ້ຮຽກຮ້ອງໃຫ້ສະຫະພາບ ເອີຣົບ (ອີຢູ) ຮ່ວມມືກັບ ປັກກິ່ງ ເພື່ອສ້າງການພົວພັນດ້ານການຄ້າໃຫ້ມີສະຖຽນລະພາບ ແລະ ດຸນດ່ຽງ, ໂດຍເນັ້ນໜັກວ່າ ທັງສອງຝ່າຍຈະພ້ອມກັນຮັບຜົນປະໂຫຍດເມື່ອເພີ່ມທະວີການຮ່ວມມື ແລະ ລ້ວນແຕ່ຖືກຜົນເສຍຫາຍຖ້າການປະເຊີນໜ້າຮ້າຍແຮງຂຶ້ນ.
ກ່າວຄຳເຫັນທີ່ໃນການໂອ້ລົມທາງໂທລະສັບກັບທ່ານ Jean-Noël Barrot, ລັດຖະມົນຕີຜູ້ຮັບຜິດຊອບ ເອີລົບ ກະຊວງການຕ່າງປະເທດ ຝຣັ່ງ, ທ່ານ ຫວາງອີ ໄດ້ສະແດງຄວາມເຊື່ອໝັ້ນວ່າ ຝຣັ່ງ, ດ້ວຍບົດບາດເປັນສະມາຊິກຫຼັກແຫຼ່ງຂອງ ອີຢູ, ຈະປະກອບສ່ວນຢ່າງຕັ້ງໜ້າເຂົ້າໃນການຊຸກຍູ້ການພົວພັນດ້ານເສດຖະກິດ ແລະ ການຄ້າລະຫວ່າງສອງຝ່າຍ.
ການກະທຳດັ່ງກ່າວຈັດຂຶ້ນໃນສະພາບທີ່ການ ພົວພັນດ້ານການຄ້າລະຫວ່າງສອງສອງພື້ນຖານເສດຖະກິດພວມຖືກກົດດັນຈາກການຂາດດຸນການຄ້າ, ຄວາມສາມາດເຂົ້າເຖິງຕະຫຼາດ, ຄວບຄຸມການສົ່ງອອກວັດຖຸດິບຍຸດທະສາດ.