ທ່ານປະເທດປະເທດ ເຈີນດ້າຍກວາງ
(ພາບ: dangcongsan.vn)
ຈິນຕະນາການທີ່ມີຫົວຄິດປະດິດສ້າງ, ວິໄສທັດຍຸດທະສາດຂອງທ່ານອະດີດເລຂາທິການໃຫຍ່ເລຢວນ ກັບການປະຕິວັດຫວຽດນາມ. ນີ້ແມ່ນຫົວຂໍ້ບົດຂຽນຂອງທ່ານປະເທດປະເທດ ເຈີນດ້າຍກວາງ, ເນື່ອງໃນໂອກາດສະເຫຼີມສະຫຼອງ 110 ປີແຫ່ງວັນຄ້າຍວັນເກີດທ່ານອະດີດເລຂາທິການໃຫຍ່ ເລຢວນ (07/04/1907 – 07/04/2017). ໃນບົດຂຽນ, ທ່ານປະທານປະເທດ ເຈີນດ້າຍກວາງ ຊີ້ແຈ້ງວ່າ: ໃນໄລຍະເກືອບ 60 ປີແຫ່ງການເຄື່ອນໄຫວຢ່າງລຽນຕິດ, ໄດ້ຮັບການຫຼໍ່ຫຼອງໃນພຶດຕິກຳຕົວຈິງແຫ່ງການປະຕິວັດຢູ່ທັງ 3 ພາກຂອງປະເທດ, ດ້ວຍຈິນຕະນາການທີ່ມີຫົວຄິດປະດິດສ້າງ, ວິໄສທັດມອງກວ້າງເຫັນໄກພິເສດທີ່ສຸດ, ຕິດພັນກັບການສະຫຼຸບພຶດຕິກຳຕົວຈິງຢ່າງແໜ້ນແຟ້ນ, ທ່ານອະດີດເລຂາທິການໃຫຍ່ ເລຢວນ ໄດ້້ພ້ອມກັບຄະນະບໍລິຫານງານສູນກາງພັກ, ນຳໜ້າແມ່ນທ່ານປະທານ ໂຮ່ຈິມິນ, ໄດ້ໝູນໃຊ້, ພັດທະນາລັດທິ ມາກ - ເລນີນ ຢ່າງມີຫົວຄິດປະດິດສ້າງ. ພ້ອມກັນນັ້ນ, ການສ້າງ ແລະ ນຳໃຊ້ນຳພາການປະຕິບັດແນວທາງ, ຍຸດທະສາດການປະຕິວັດ ຢ່າງຖືກຕ້ອງ ແລະ ມີໄຊ, ໄດ້ປະກອບສ່ວນເຮັດໃຫ້ທິດສະດີຂອງການປະຕິວັດຫວຽດນາມ ອຸດົມສົມບູນ, ໄດ້ສ້າງໜ້າປະຫວັດສາດອັນສະຫງ່າລາສີພິລະອາດຫານໃນປະຫວັດສາດແຫ່ງການສ້າງສາ ແລະ ປົກປັກຮັກສາຂອງຫວຽດນາມ ນັບພັນປີ, ນຳປະເທດຫວຽດນາມ ກ້າວເຂົ້າສູ່ສັງກາດເອກະລາດ, ເສລີພາບ ແລະ ລັດທິສັງຄົມນິຍົມ…
ໃນບົດຂຽນ, ທ່ານປະທານປະເທດ ເຈີນດ້າຍກວາງ ຢືນຢັນວ່າ: ພາຍຫຼັງໄລຍະ 30 ປີແຫ່ງການປະຕິບັດພາລະກິດປ່ຽນແປງໃໝ່ປະເທດຊາດຢ່າງຮອບດ້ານ, ການປະຕິວັດຫວຽດນາມ ຍາດໄດ້ບັນດາຜົນງານອັນໃຫຍ່ຫຼວງ, ມີຄວາມໝາຍປະຫວັດສາດ. ພຶດຕິກຳຕົວຈິງໄດ້ຢືນຢັນວ່າ ແນວທາງການປ່ຽນແປງໃໝ່ຂອງພັກກອມມູນິດຫວຽດນາມ ແມ່ນຖືກຕ້ອງ, ສືບທອດ, ເສີມຂະຫຍາຍບັນດບາບົດຮຽນໃນການຊີ້ນຳນຳພາການປະຕິວັດຂອງການນຳລຸ້ນກ່ອນໆ. ໃນສະພາບຄືປະຈຸບັນ, ຈິນຕະນາການທີ່ມີຫົວຄິດປະດິດສ້າງ, ວິໄສທັດຍຸດທະສາດຂອງທ່ານອະດີດເລຂາທິການໃຫຍ່ ເລຢວນ ຍັງຮັກສາໄດ້ຄຸນຄ່ານັບທັງທາງດ້ານທິດສະດີ ແລະ ພຶດຕິກຳຕົວຈິງແມ່ນການກຳນົດທິດຢ່າງຖືກຕ້ອງ ໃຫ້ແກ່ການວາງແຜນ ແລະ ຊີ້ນຳນຳພາການປະຕິບັດແນວທາງປ່ຽນແປງໃໝ່ຂອງພັກ ໃນໄລຍະການປະຕິວັດໃໝ່ຢ່າງມີໄຊ.
(ແຫຼ່ງຄັດຈາກ VOV)