ວັນທີ 23 ທັນວາ, ການນຳບັນດາແຂວງ ຄື ບັກນິງ, ກວ໋າງບີງ, ຫວີລອງ ໄດ້ຈັດຕັ້ງຫລາຍຄະນະລົງຢ້ຽມຢາມ ອວຍພອນ ບັນດາຄຸນພໍ່, ຫລວງພໍ່, ຊາວຄຼິດ ເນື່ອງໃນໂອກາດວັນບຸນ ຄຼິດສະມາດປີ 2024 ແລະ ຕ້ອນຮັບປີໃຫມ່ 2025.
ທ່ານເລຂາຄະນະພັກແຂວງ ບັກນິງ ຫງວຽນແອັງຕວັນ ອວຍພອນສັງຄະນາຍົກ ບັກນິງ ເນື່ອງໃນໂອກາດວັນບຸນ ຄຼິດສະມາດ ປີ 2024 (ພາບ: TTXVN)
ເມື່ອລົງອວຍພອນ ສັງຄະນາຍົກ ບັກນິງ, ທ່ານເລຂາຄະນະພັກແຂວງ ຫງວຽນແອງຕວນ ປາດຖະຫນາຢາກໃຫ້ ສັງຄະລາດ, ຄຸນພໍ່ ສືບຕໍ່ໃຫ້ກຳລັງໃຈພໍ່ແມ່ປະຊາຊົນຊາວຄຼິດ ດຳລົງຊີວິດ ໃຫ້ມີຄວາມ“ຢູ່ໃນສິນກິນໃນທຳ”, ເຄື່ອນໄຫວດ້ານສາສະຫນາໃຫ້ຖືກຕ້ອງກັບທິດທາງ, ກົດໝາຍ, ແລະ ສາມັກຄີພ້ອມກັບປະຊາຊົນທຸກຊັ້ນວັນນະປະຕິບັດບັນດາຂະບວນການແຂ່ງຂັນຮັກຊາດ ກໍ່ຄື ປະກອບສ່ວນຢ່າງຕັ້ງຫນ້າເຂົ້າໃນວິວັດການພັດທະນາເສດຖະກິດ - ສັງຄົມຂອງແຂວງ. ສ່ວນ ສັງຄະລາດ ໂດ໋ກວາງຄາງ ຢືນຢັນ ຈະສືບຕໍ່ໂຄສະນາ, ຂົນຂວາຍບັນດາຍົດສັກຕຳແຫນ່ງໃນຄິດທະສາສະຫນາ ແລະ ຊາວຄຼິດ ປະຕິບັດແຜນນະໂຍບາຍ, ແນວທາງຂອງພັກ, ນະໂຍບາຍ ກົດໝາຍຂອງລັດໃຫ້ເປັນຢ່າງດີ, ປະຕິບັດພັນທະຂອງປະຊາຊົນ, ປະກອບສ່ວນສ້າງສາແຂວງ ບັກນີງ ໃຫ້ນັບມື້ນັບພັດທະນາ, ກໍ່ສ້າງກຸ່ມກ້ອນມະຫາສາມັກຄີທົ່ວປວງຊົນທັງຊາດໃຫ້ໝັ້ນຄົງເຂັ້ມແຂງ.
ທ່ານເລຂາຄະນະພັກ, ປະທານສະພາປະຊາຊົນແຂວງ ຫວິງລອງ ບຸ່ຍວັນງຽມ ມອບດອກໄມ້ອວຍພອນສັງຄະນາຍົກເຂດຊາວຄຼິດ ຫວິງລອງ (ພາບ: TTXVN)
ເມື່ອລົງຢ້ຽມຢາມ, ອວຍພອນເຂດຊາວຄຼິດ ມິງຕູ ຢູ່ ແຂວງ ກວ໋າງບີ່ງ, ທ່ານເລຂາຄະນະພັກແຂວງ ກວ໋າງບີ່ງ ເລງອກກວາງ ປາດຖະຫນາວ່າ ໄລຍະຈະມາເຖິງ, ພໍ່ແມ່ປະຊາຊົນຊາວຄຼິດຢູ່ເຂດນີ້ ກໍ່ຄືຊາວຄຼິດ ໃນແຂວງ ກວ໋າງບິ່ງ ຍາມໃດກໍ່ຈະສາມັກຄີ, ປະຕິບັດແຜນນະໂຍບາຍ, ແນວທາງຂອງພັກ, ນະໂຍບາຍກົດໝາຍຂອງລັດ, ຢູ່ ໃນສິນກິນໃນທຳ, ປະກອບສ່ວນຫລາຍກວ່າອີກເຂົ້າໃນການພັດທະນາເສດຖະກິດ -ສັງຄົມຂອງແຂວງ.