ວັນທີ 3 ກໍລະກົດ, ທ່ານ ເວືອງດິ່ງເຫ້ວ, ຮອງນາຍົກລັດຖະມົນຕີຫວຽດນາມ, ຫົວໜ້າຄະ ນະຊີ້ນຳບໍລິຫານລາຄາຂອງລັດຖະບານ, ໄດ້ເປັນປະທານກອງປະຊຸມຄະນະຊີ້ນຳ ເພື່ອຜັນຂະຫຍາຍໜ້າທີ່ຊຸມເດືອນທີ່ຍັງເຫຼືອຂອງປີ 2019.
ກອງປະຊຸມຄະນະຊີ້ນຳ ເພື່ອຜັນຂະຫຍາຍໜ້າທີ່ຊຸມເດືອນທີ່ຍັງເຫຼືອຂອງປີ 2019
(ພາບ: thoibaotaichinhvietnam.vn)
ຄະນະຊີ້ນຳບໍລິຫານລາຄາຄາດຄະເນວ່າ ໄພເງິນເຟີ້ສະເລ່ຍໃນປີ 2019 ແມ່ນປະມານ ແຕ່ 3,17 – 3,41%. ດ້ວຍອັດຕາສ່ວນນີ້, CPI ປີ 2019 ຈະເພີ່ມຂຶ້ນຕ່ຳກ່ວາປີ 2018, ດັ່ງນັ້ນ, ບັນດາປະເພດສິນຄ້າທີ່ໄດ້ຮັບການບໍລິຫານລາຄາຕາມແຜນການຍັງມີທ່າແຮງເພື່ອພິຈາລະນາໃນໄຕມາດ ທີ IV/2019.
ກ່າວຄຳເຫັນຊີ້ນຳກອງປະຊຸມ, ທ່ານ ເວືອງດິ່ງເຫ້ວ ໄດ້ສະເໜີໃຫ້ບັນດາກະຊວງ, ຂະແໜງການ, ທ້ອງຖິ່ນຕ່າງໆ ຈົ່ງສືບຕໍ່ຕິດຕາມການຜັນແປຂອງການສະໜອງ - ຄວາມຕ້ອງການຂອງຕະຫຼາດ, ລາຄາຢ່າງໃກ້ຊິດ, ເພື່ອມີວິທີການແກ້ໄຂຕະຫຼາດໃຫ້ເໝາະສົມ. ໄປຄຽງຄູ່ກັນນັ້ນ, ກໍ່ບໍລິຫານນະໂຍບາຍປີການເງິນຢ່າງແໜ້ນແຟ້ນ, ນະໂຍບາຍເງິນຕາຢ່າງເປັນເຈົ້າການ, ມີໄຫວພິບ, ສົມທົບກັບບັນດານະໂຍບາຍ ເສດຖະກິດມາຫະພາກອື່ນເພື່ອຄວບຄຸມໄພເງິນເຟິ້ຕາມເປົ້າໝາຍທີ່ໄດ້ວາງອອກ.
(ແຫຼ່ງຄັດຈາກ VOV)