ຕອນເຊົ້າວັນທີ 18 ຕຸລາ, ຄະນະສື່ມວນຊົນ ລາວ ໂດຍທ່ານ ທອງວັນ ບຸນບົວທອງ, ຮອງຜູ້ອຳນວຍການໃຫຍ່ສະຖານີໂທລະພາບແຫ່ງຊາດ ລາວ ເປັນຫົວໜ້າຄະນະໄດ້ມາຢ້ຽມຢາມ ແລະ ເຮັດວຽກກັບວິທະຍຸກະຈາຍສຽງ ຫວຽດນາມ.
ທ່ານຮອງຜູ້ອຳນວຍການໃຫຍ່ວິທະຍຸກະຈາຍສຽງ ຫວຽດນາມ ໂງມິງຫຽນ
ກ່າວຄຳເຫັນທີ່ການເຮັດວຽກ, ທ່ານຮອງຜູ້ອຳນວຍການໃຫຍ່ວິທະຍຸກະຈາຍສຽງ ຫວຽດນາມ ໂງມິງຫຽນ ໄດ້ແນະນຳວິວັດການສ້າງຕັ້ງ ແລະ ພັດທະນາຂອງວິທະຍຸກະຈາຍສຽງ ຫວຽດນາມ, ທ່ານເນັ້ນໜັກວ່າ ໃນໄລຍະຜ່ານມາ, ວິທະຍຸກະຈາຍສຽງ ຫວຽດນາມ ມີການພົວພັນແບບພິເສດກັບວິທະຍຸກະຈາຍສຽງແຫ່ງຊາດ ລາວ. ວິທະຍຸກະຈາຍສຽງ ຫວຽດນາມ ໄດ້ໜູນຊ່ວຍໃຫ້ວິທະຍຸກະຈາຍສຽງແຫ່ງຊາດ ລາວ ກ່ຽວກັບພື້ນຖານວັດຖຸເຕັກນິກ, ບຳລຸງສ້າງນັກເຕັກນິກ, ນັກຂ່າວ, ບັນນາທິການ.
2 ຝ່າຍກໍ່ຢືນຢັນວ່າ ການພົວພັນມິດຕະພາບລະຫວ່າງ ຫວຽດນາມ ແລະ ລາວ ມມາີແຕ່ດົນນານແລ້ວ ແລະ ສື່ມວນຊົນໄດ້ປະກອບສ່ວນເຮັດໃຫ້ນ້ຳໃຈມິດຕະພາບນັ້ນ ນັບມື້ນັບເກີດດອກອອກຜົນ. ສ່ວນທ່ານ ທອງວັນ ບຸນບົວທອງ, ຮອງຜູ້ອຳນວຍການໃຫຍ່ສະຖານີໂທລະພາບແຫ່ງຊາດ ລາວ ກໍ່ສະແດງຄວາມປາດຖະໜາຢາກສືບຕໍ່ໄດ້ຮັບການໜູນຊ່ວຍຈາກວິທະຍຸກະຈາຍສຽງ ຫວຽດນາມ ທັງດ້ານເນື້ອໃນ ແລະ ເຕັກນິກ ເພື່ອໝູນໃຊ້ເຂົ້າໃນວຽກງານປ່ຽນແປງໃໝ່ການສື່ສານຂອງ ລາວ.
ທີ່ການເຮັດວຽກ, 2 ຝ່າຍໄດ້ແລກປ່ຽນເນື້ອໃນຫລາຍຢ່າງທີ່ກ່ຽວຂ້ອງເຖິງການປ່ຽນແປງໃໝ່ສື່ມວນຊົນໃນຍຸກສະໄໝໃໝ່ກໍ່ຄືບັນດາບັນຫາດ້ານເຕັກນິກ.
(ແຫຼ່ງຄັດຈາກ VOV)