ທ່ານພົນເອກ ໂງຊວນລິກ ລັດຖະມົນຕີກະຊວງປ້ອງກັນປະເທດ
ຫວຽດນາມ ຢ້ຽມຢາມມິດຕະພາບ ອິນເດຍ
(ພາບ: qdnd)
ໂດຍໄດ້ຮັບຄຳເຊີນຂອງທ່ານ Manohar Parrikar ລັດຖະມົນຕີກະຊວງປ້ອງກັນປະເທດ ສ.ອິນເດຍ, ທ່ານພົນເອກ ໂງຊວນລິກ ລັດຖະມົນຕີກະຊວງປ້ອງກັນປະເທດ ຫວຽດນາມ ນຳໜ້າຄະນຜູ້ແທນທະຫານຂັ້ນສູງ ຫວຽດນາມ ຢ້ຽມຢາມມິດຕະພາບ ອິນເດຍ ຢ່າງເປັນທາງການໃນລະຫວ່າງວັນທີ 04 – 07/12. ທີ່ພິທີຕ້ອນຮັບໄດ້ດຳເນີນໃນຕອນບ່າຍວັນທີ 05/12. ທ່ານ Manohar Parrikar ລັດຖະມົນຕີກະຊວງປ້ອງກັນປະເທດ ອິນເດຍ ເນັ້ນໜັກວ່າ: ອິນເດຍ ປາດຖະໜາຢາກເພີ່ມທະວີການພົວພັນຮ່ວມມືຮອບດ້ານກັບ ຫວຽດນາມ, ໃນນັ້ນ ມີຂົງເຂດປ້ອງກັນຊາດ. ທ່ານລັດຖະມົນຕີ ໂງຊວນລິກ ຢືນຢັນວ່າ: ຫວຽດນາມ ຖືເປັນສຳຄັນການຮ່ວມມືຮອບດ້ານກັບ ອິນເດຍ, ໂດຍສະເພາະແມ່ນຂົງເຂດປ້ອງກັນຊາດ. ເລື່ອງນຳການພົວພັນດ້ານປ້ອງກັນຊາດ ລະຫວ່າງ 2 ປະເທດຂຶ້ນສູ່ລະດັບສູງໃໝ່ ຈະປະກອບສ່ວນຢ່າງຕັ້ງໜ້າເຂົ້າໃນການກໍ່ສ້າງສາຍພົວພັນຄູ່ຮ່ວມມືຍຸດທະສາດຮອບດ້ານ ເຊິ່ງການນຳຂັ້ນສູງໄດ້ເຫັນດີເປັນເອກະພາບເມື່ອເດືອນ 9/2016. ລັດຖະມົນຕີທັງ 2 ທ່ານເຫັນດີເປັນເອກະພາບໂດຍຖືວ່າ: ເລື່ອງປັບປຸງ, ເພີ່ມທະວີການພົວພັນມິດຕະພາບ, ການຮ່ວມມື ໃນນັ້ນມີການຮ່ວມມືດ້ານປ້ອງກັນຊາດລະຫວ່າງ 2 ປະເທດ, ຈະປະກອບສ່ວນເຂົ້າໃນສັນຕິພາບ, ສະຖຽນລະພາບ ແລະ ວັດທະນາຖາວອນຢູ່ພາກພື້ນ ອາຊີ - ປາຊີຟິກ. 2 ຝ່າຍສືບຕໍ່ຮັກສາ ແລະ ເພີ່ມທະວີການແລກປ່ຽນຄະນະຜູ້ແທນທຸກຂັ້ນ; ເພີ່ມທະວີການຮ່ວມມືໃນຂົງເຂດກໍ່ສ້າງ, ຮ່ວມມືກອງທັບເຮືອ, ບັນດາການຊອກຫາເຄື່ອນໄຫວຮ່ວມກ່ຽວກັບການກູ້ໄພກູ້ຊີບບົນທະເລກ່ວາອີກ, ປະຕິບັດປະມວນຂໍ້ກຳນົດຫຼີກລ້ຽງການປະທະກັນໂດຍບັງເອີນບົນທະເລ.
(ແຫຼ່ງຄັດຈາກ VOV)