ຕອນເຊົ້າວັນທີ 29 ພະຈິກ, ກະຊວງແຮງງານ, ທະຫານເສຍອົງຄະ ແລະ ສັງຄົມຫວຽດນາມ ໄດ້ສົມທົບກັບອົງການແຮງງານສາກົນ (ILO) ຈັດຕັ້ງກອງປະຊຸມສຳມະນາກ່ຽວກັບການປະຕິຮູບນະໂຍບາຍປະກັນສັງຄົມ - ບົດຮຽນຈາກສາກົນ ແລະ ຂໍ້ສະເໜີແນະໃຫ້ແກ່ຫວຽດນາມ.
(ທ່ານຮອງນາຍົກລັດຖະມົນຕີ ເວືອງດິ່ງເຫ້ວ, ກ່າວຄຳເຫັນທີ່ກອງປະຊຸມສຳມະນາ)
ກ່າວຄຳເຫັນທີ່ກອງປະຊຸມສຳມະນາ, ທ່ານຮອງນາຍົກລັດຖະມົນຕີ ເວືອງດິ່ງເຫ້ວ ເນັ້ນໜັກວ່າ, ການສ້າງນະໂຍບາຍປະກັນສັງຄົມ ໃຫ້ສົມບູນແບບແມ່ນໜຶ່ງໃນບັນດາມາດຕະການແກ້ໄຂສຳຄັນ ເພື່ອສືບຕໍ່ສ້າງປັບປຸງລະບອບເສດຖະກິດການຕະຫຼາດຕາມກຳນົດທິດສັງຄົມນິຍົມໃຫ້ສົມບູນ, ປະກອບສ່ວນປ່ຽນໃໝ່ຮູບແບບການເຕີບໂຕຂອງຫວຽດນາມ ຮອດປີ 2030… ທ່ານຮອງນາຍົກລັດຖະມົນຕີ ເວືອງດິ່ງເຫ້ວ, ສະເໜີວ່າ.
“ຫຼາຍປະເທດໄດ້ດຳເນີນການປະຕິຮູບປະກັນສັງຄົມ ປະສົບຜົນສຳເລັດ, ແຕ່ກໍ່ມີຫຼາຍປະເທດປະສົບກັບສິ່ງກີດຂວາງ, ຊ້ຳບໍ່ໜຳຖືກປະລາໄຊ. ສະນັ້ນ, ພວກເຮົາຄວນຄົ້ນຄວ້າ ບົດຮຽນຂອງບັນດາປະເທດ ແລະ ເງື່ອນໄຂນຳໃຊ້ຢ່າງລະອຽດ ເພື່ອຖອດຖອນບັນດາບົດຮຽນທີ່ປະສົບຜົນສຳເລັດ. ດ້ວຍບົດບາດເປັນອົງການໄດ້ຮັບມອບໝາຍໜ້າທີ່ເປັນເຈົ້າການສ້າງແຜນຮ່າງກ່ຽວກັບການປະຕິຮູບນະໂຍບາຍປະກັນສັງຄົມ, ຂ້າພະເຈົ້າສະເໜີໃຫ້ລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ ຊີ້ນຳສັງລວມຢ່າງຄົບຖ້ວນ ແລະ ເຂັ້ມງວດເພື່ອຮັບເອົາຄຳເຫັນຂອງຜູ້ແທນ, ສ້າງແຜນຮ່າງໃຫ້ສົບບູນແບບ”.
ທີ່ກອງປະຊຸມສຳມະນາ, ບັນດານັກຊ່ຽວຊານຂອງ ILO ສະເໜີຫວຽດນາມ ຄວນເປີດກວ້າງນະໂຍບາຍຮັບປະກັນຊີວິດສັງຄົມໃຫ້ບັນດາຜູ້ເຄື່ອນໄຫວຢູ່ເຂດບໍ່ເປັນທາງການ ຜ່ານການສົມທົບລະຫວ່າງລາຍການທີ່ມີການປະກອບສ່ວນ ແລະ ລາຍການບໍ່ອີງໃສ່ການປະກອບສ່ວນ ເພື່ອມຸ່ງໄປເຖິງການຮັບປະກັນຊີວິດສັງຄົມທົ່ວປວງຊົນ.
(ແຫຼ່ງຄັດຈາກ VOV)