ຕອນບ່າຍວັນທີ 21 ທັນວາ, ຢູ່ກອງທັບເຮືອເຂດ 4 (ກາມແຣັງ, ແຂວງແຄັງຮ່ວາ), ກອງບັນຊາການກອງທັບເຮືອເຂດ 4 ໄດ້ຈັດພິທີສົ່ງບັນດຄະນະໄປອວຍພອນພະນັກງານ, ນັກຮົບ, ປະຊາຊົນ ແລະ , ພະສົງສາມະເນັດ, ນັກບວດໃນບັນດາເກາະຂຶ້ນກັບເມືອງເກາະ ເຈື່ອງຊາ ແຂວງແຄັງຮ່ວາ ເນື່ອງໃນໂອກາດບຸນເຕັດໃກ້ຈະວຽນມາ.
ການເດີນທາງໄດ້ຢືນຢັນຄວາມເອົາໃຈໃສ່ຢ່າງເລິກເຊິ່ງຂອງພັກ, ລັດ, ກະຊວງປ້ອງກັນປະເທດ, ເຫຼົ່າທັບເຮືອ ແລະ ປະຊາຊົນທີ່ມີຕໍ່ພາລະກິດປົກປັກຮັກສາອະທິປະໄຕເຂດໝູ່ເກາະທະເລຂອງຊາດ. ພົນເຮືອໂທ ຫງວຽນດຶກເວື້ອງ, ຫົວໜ້າການເມືອງກອງທັບເຮືອເຂດ 4 ໃຫ້ຮູ້ວ່າ:
ນີ້ແມ່ນແຫຼ່ງລະດົມກຳລັງໃຈອັນໃຫ່ຍຫຼວງທີ່ມີຕໍ່ພະນັກງານ, ນັກຮົບ ແລະ ປະຊາຊົນໃນເຂດໝູເກາະເຈື່ອງຊາ, ສະແດງໃຫ້ເຫັນອາລົມຈິດພິເສດ, ຄວາມເອົາໃຈໃສ່ຂອງອົງຄະນະພັກ, ອຳນາດການປົກຄອງ, ປະຊາຊົນແຂວງ ແຄັງຮ່ວາ ຕໍ່ພະນັກງານ, ນັກຮົບໃນເຂດໝູ່ເກາະ ເຈື່ອງຊາ.
ໃນວັນດຽວກັນ, ຢູ່ແຂວງແຄັງຮ່ວາ ໄດ້ຈັດພິທີອັດການແຂ່ງຂັນຕີກອບ “ເພື່ອເຈື່ອງຊາທີ່ຮັກແພງ”. ການເຄື່ອນໄຫວໂດຍບໍລິສັດ ກາມແຣັງ ຈຳກັດ, ວິທະຍຸກະຈາຍສຽງຫວຽດນາມ ແລະ ກອງທັບເຮືອເຂດ 4 ສົມທົບກັນຈັດຂຶ້ນ ເພື່ອສ້າງກອງທຶນໜູນຊ່ວຍທະຫານ ແລະ ປະຊາຊົນເມືອງເກາະ ເຈື່ອງຊາ, ແຂວງແຄັງຮ່ວາ. ຄະນະຈັດຕັ້ງໄດ້ຮັບເງິນສະໜັບສະໜູນຈຳນວນ 6.3 ລ້ານໂດລາສະຫະລັດ. ທ່ານ ຫງວຽນເທກີ, ຜູ້ອຳນວຍການໃຫ່ຍ ວິທະຍຸກະຈາຍສຽງຫວຽດນາມ ໃຫ້ຮູ້ວ່າ:
ການແຂ່ງຂັນໄດ້ມຸ່ງໄປເຖິງການເຊື່ອມຕໍ່ລະຫວ່າງບັນດາຜູ້ມີໃຈບຸນໃຈກຸສົນ, ບັນດາວິສາຫະກິດພາຍໃນ ແລະ ຕ່າງປະເທດ ເພື່ອສ້າງການປະກອບສ່ວນທີ່ແທດຈິງໃຫ້ແກ່ທະຫານ ແລະ ປະຊາຊົນເມືອງເກາະ ເຈື່ອງຊາ. ຈຳນວນເງິນທີ່ໄດ້ຮັບຈາກການເຄື່ອນໄຫວດັ່ງກ່າວ ຈະຖືກນຳໃຊ້ເຂົ້າໃນການສ້າງລະບົບເຄື່ອງຕອງນ້ຳເຄັມໃຫ້ເປັນນ້ຳຈືດ ເພື່ອຮັບໃຊ້ໃຫ້ແກ່ການດຳເນີນຊີວິດໃນເກາະຈຳນວນໜຶ່ງ ທີ່ຍັງປະສົບກັບຄວາມຫຍຸ້ງຍາກ. ພ້ອມກັນນັ້ນ, ຄະນະຈັດຕັ້ງຍັງມອບທຶນສຶກສາໃຫ້ລູກຫຼານບັນດາຄອບຄົວໃນໝູ່ເກາະ, ລູກຫຼານນັກຮົບ, ພະນັກງານພວມປະຕິບັດງານຢູ່ ເຈື່ອງຊາ ອີກດ້ວຍ.
(ແຫຼ່ງຄັດຈາກ VOV)