ກອງປະຊຸມມະຫາສະໝຸດ ສປຊ ຄັ້ງທີ 3 (ພາບ: UNOC)

ຕາມແຜນການແລ້ວ, ກອງປະຊຸມມະຫາສະໝຸດ ສປຊ ຄັ້ງທີ 3 (UNOC3) ຈະຈັດຂຶ້ນໃນລະຫວ່າງວັນທີ 9 – 13 ມິຖຸນາ ຢູ່ນະຄອນ Nice, ພາກໃຕ້ປະເທດ ຝລັ່ງ. ເປົ້າໝາຍຂອງກອງປະຊຸມແມ່ນບັນລຸໄດ້ຄວາມເປັນເອກະພາບທົ່ວໂລກ ແລະ ລະດົມແຫຼ່ງເງິນຊ່ວຍເຫຼືອໃຫ້ແກ່ວຽກງານອະນຸລັກຮັກສາທະເລ, ໃນສະພາບການຫຼາຍປະເທດຍັງຄົງມີຄວາມບໍ່ລົງລອຍກັນກ່ຽວກັບການຂຸດຄົ້ນທະເລເລິກ, ຂີ້ເຫຍື້ອຢາງປລາດຕິກ ແລະ ການຈັບຫາສິນທະເລເກີນຂອບເຂດ.

ຄາດວ່າ, ປະເທດເຈົ້າພາບຈະຕ້ອນຮັບການນຳປະເທດ ແລະ ລັດຖະບານປະມານ 70 ທ່ານ, ໃນນັ້ນ ມີທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ. ກອງປະຊຸມກໍເຕົ້າໂຮມບັນດາການນຳວິສາຫະກິດ, ນັກອຸປະຖຳສາກົນ ແລະ ບັນດານັກເຄື່ອນໄຫວສິ່ງແວດລ້ອມທະເລ. ກ່ອນດຳເນີນກອງປະຊຸມຕົ້ນຕໍ ຈະດຳເນີນກອງປະຊຸມສຳມະນາວິທະຍາສາດ ດ້ວຍການເຂົ້າຮ່ວມຂອງນັກຊ່ຽວຊານກ່ຽວກັບມະຫາສະມຸດປະມານ 2.000 ຄົນ. ຝລັ່ງ ໃຫ້ຄຳໝັ້ນສັນຍາວ່າ ກອງປະຊຸມນີ້ ຈະສວມບົດບາດຄື “ສັນຍາ ປາຣີ” ໃນຂົງເຂດອະນຸລັກຮັກສາມະຫາສະໝຸດ.