ເດັກນ້ອຍຢູ່ຄ້າຍລີ້ໄພ Jabalia, ເຂດ ກາຊາ (ພາບ: THX/TTXVN)

ວັນທີ 8 ພະຈິກ, ຄະນະກຳມະການຕີລາຄາໄພນາບຂູ່ (FRC) ຂຶ້ນກັບໂຄງການທັນຍາຫານໂລກ (WFP) ໄດ້ຍົກອອກຄຳກ່າວເຕືອນກ່ຽວກັບໄພອຶດຫີວຢູ່ພາກເໜືອເຂດ ກາຊາ ແລະ ຮຽກຮ້ອງໃຫ້ທຸກຝ່າຍເຂົ້າຮ່ວມໂດຍກົງ ຫຼື ມີການກະທົບຕໍ່ການປະທະກັນນີ້ ຕ້ອງມີການກະທຳໃນທັນທີ, ພາຍໃນ 2 – 3 ວັນຈະມາເຖິງ ຫາກບໍ່ແມ່ນ 2 -  3 ອາທິດ ຈະມາເຖິງ, ເພື່ອສະກັດກັ້ນ ແລະ ຫຼຸດຜ່ອນສະພາບອັນຮ້າຍແຮງນີ້.

ຄຳກ່າວເຕືອນດັ່ງກ່າວໄດ້ຍົກອອກມາ ເມື່ອກອງທັບ ອິດສະຣາແອັນ ເພີ່ມທະວີບັນດາການປຸກໂຈມຕີໃນບັ້ນຮົບທີ່ແກ່ຍາວກວ່າ 1 ເດືອນຜ່ານມາຢູ່ພາກເໜືອເຂດ ກາຊາ, ໃນຂະນະທີ່ເຄື່ອງຊ່ວຍເຫຼືອບັນເທົ່າທຸກຫຼາຍປະເພດຄື ສະບຽງອາຫານ, ນ້ຳດື່ມ ແລະ ຢຸກຢາ ເກືອບຄືວ່າປະຊາຊົນຢູ່ເຂດນີ້ບໍ່ສາມາດເຂົ້າເຖິງໄດ້.

ຕາມອົງການອະນາໄມ ປາແລັດສະຕິນ ແລ້ວ, ນັບແຕ່ເມື່ອເກີດການປະທະກັນລະຫວ່າງ ອິດສະຣາແອັນ - ຮາມາດສ, ໄດ້ມີຊາວ ປາແລັດສະຕິນ ເສຍຊີວິດ ປະມານ 43.508 ຄົນ ແລະ ມີຜູ້ຖືກບາດເຈັບ 102.682 ຄົນ.