ເຂດທົ່ງພຽງແມ່ນ້ຳຂອງທາງພາກໃຕ້ ແມ່ນຫນຶ່ງໃນ 6 ເຂດເສດຖະກິດ ສັງຄົມ ຂອງ ຫວຽດນາມ, ແມ່ນເຂດເສດຖະກິດສຳຄັນໃນການພັດທະນາແບບຍືນຍົງຂອງທັງປະເທດ.
ທ່ານ ເຈີນຕວນແອັງ ຫົວຫນ້າຄະນະເສດຖະກິດສູນກາງ ກ່າວຄຳເຫັນທີ່ກອງປະຊຸມ. (ພາບ: sggp.org.vn)
ວັນທີ 10 ທັນວາ ຢູ່ ຮ່າໂນ້ຍ, ຄະນະກຳມະການເສດຖະກິດສູນກາງ ໄດ້ຈັດຕັ້ງກອງປະຊຸມສຳມະນາ “ພັດທະນາເສດຖະກິດ ສັງຄົມ ຢູ່ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມຮອດປີ 2030 - ວິໄສທັດຮອດປີ 2045. ກ່າວຄຳເຫັນທີ່ກອງປະຊຸມສຳມະນາ, ທ່ານ ເຈີນຕວນແອັງ ຫົວຫນ້າຄະນະເສດຖະກິດສູນກາງ ເນັ້ນຫນັກວ່າ: ເຂດທົ່ງພຽງແມ່ນ້ຳຂອງທາງພາກໃຕ້ ແມ່ນຫນຶ່ງໃນ 6 ເຂດເສດຖະກິດ ສັງຄົມ ຂອງ ຫວຽດນາມ, ແມ່ນເຂດເສດຖະກິດສຳຄັນໃນການພັດທະນາແບບຍືນຍົງຂອງທັງປະເທດ.
ທີ່ກອງປະຊຸມສຳມະນາ, ບັນດາຜູ້ແທນໄດ້ປະກອບຫລາຍຄຳເຫັນໃສ່ແຜນການພັດທະນາເສດຖະກິດ ສັງຄົມ ເຂດທົ່ງພຽງແມ່ນ້ຳຂອງ. ກ່ຽວກັບການກຳນົດທິດພັດທະນາໄລຍະຍາວ, ການວາງແຜນຜັງເຂດທົ່ງພຽງແມ່ນ້ຳຂອງທາງພາກໃຕ້ ໄລຍະ 2021 – 2030, ວິໄສທັດຮອດປີ 2045, ການພັດທະນາເຂດທົ່ງພຽງແມ່ນ້ຳຂອງທາງພາກໃຕ້ ໄລຍະຍາວ, ຍືນຍົງເພື່ອຮັບມືກັບການປ່ຽນແປງຂອງດິນຟ້າອາກາດ. ຕາມນັ້ນແລ້ວ, ບັນດາມາດຕະການພັດທະນາຕ້ອງຮັບປະກັນໃຫ້ເຂດມີຄວາມປອດໄພຕໍ່ ຜົນສະທ້ອນຢ່າງຫນັກຫນ່ວງຈາກທຳມະຊາດ, ຮັບປະກັນການປ້ອງກັນຊາດ ປ້ອງກັນຄວາມສະຫງົບ, ຫັນວັດທະນະທຳເປັນຫລາຍຮູບຫລາຍແບບ ກໍ່ຄືການເຄື່ອນໄຫວເສດຖະກິດ, ສິ່ງແວດລ້ອມດ້ານຊີວະພາບແບບຍືນຍົງ.
(ແຫຼ່ງຄັດຈາກ VOV)