ຕອນເຊົ້າວັນທີ 4 ມັງກອນ, ທ່ານ ເຈິ່ນແທັງເໝີນ ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ລົງຢ້ຽມຢາມ, ມອບຂອງຂວັນໃຫ້ແກ່ກຳມະກອນ, ແຮງງານທີ່ປະສົບກັບຄວາມຫຍຸ້ງຍາກ ຢູ່ບໍລິເວນແຂວງ ອານຢາງ 100 ຄົນ ເນື່ອງໃນໂອກາດບຸນເຕັດປີ ຊວດ 2020.
![](https://imagevietnam.vnanet.vn/Upload/2020/1/5/05012020104601336soinoihoatdongtetchonguoingheo_pnxt.jpg)
ພິທີໄຂ“ວັນບຸນ ກຳມະກອນ - ຕະຫຼາດນັດແຫ່ງສານຈິດມິດໃຈ” (ພາບ: laodong.vn)
ນະທີ່ນີ້, ທ່ານໄດ້ຢັ້ງຢືນວ່າ ການເບິ່ງແຍງດຸແລ ຊີວິດການເປັນຢູ່ຂອງກຳມະການ, ແຮງງານ ຍາມໃດກໍ່ໄດ້ຮັບຄວາມເອົາໃຈໃສ່ຈາກພັກ, ລັດ ຜ່ານບັນດາແຜນນະໂຍບາຍ, ນະໂຍບາຍຢ່າງລະອຽດສຳລັບກຳມະກອນແຮງງານ, ເປັນຕົ້ນແມ່ນບັນດາຜູ້ທີ່ປະສົບກັບຄວາມຫຍຸ້ງຍາກ. ທ່ານເຈິ່ນແທັງເໝີນ ໄດ້ສະເໜີວ່າ ສະຫະພັນແຮງງານ ຫວຽດນາມເມື່ອ ຜັນຂະຫຍາຍ ລາຍການ “ບຸນເຕັດເຕົ້າໂຮມ” ແລະ “ປິ້ລົດແຫ່ງສາຍຈິດມິດໃຈ” ຕ້ອງມອບໂດຍກົງໃຫ້ ກຳມະກອນ, ແຮງງານ, ບໍ່ປະໃຫ້ກຳມະກອນໃດ ບໍ່ມີເງິນກັບບ້ານກິນກຸດ.
ໃນວັນທີ 3 ມັງກອນ, ຢູ່ ເມືອງ ດັກຣລັບ, ສະຫະພັນ ແຮງງານ ແຂວງດັກນົງ ໄດ້ຈັດຕັ້ງລາຍການ “ບຸນເຕັດເຕົ້າໂຮມ 2020” ໃຫ້ແກ່ ແຮງງານທຸກຍາກ ຢູ່ບໍລິເວນແຂວງ. ທີ່ ລາຍການຄະນະຈັດຕັ້ງໄດ້ມອບຂອງຂວັນ ໃຫ້ແກ່ ແຮງງານ 170 ພູດ ດ້ວຍຍອດມູນຄ່າ ເກືອບ 200 ລ້ານດົ່ງ. ແລະ ຢູ່ ນະຄອນ ໂຮ່ຈີມິນ ໄດ້ຈັດຕັ້ງ “ວັນບຸນ ກຳມະກອນ - ຕະຫຼາດນັດແຫ່ງສານຈິດມິດໃຈ” ຄັ້ງທີ 2 ໂດຍ ສະຫະພັນ ແຮງງານ ນະຄອນ ໂຮ່ຈີມິນຈັດຂຶ້ນ ໃນລະຫວ່າງວັນທີ 3 – 5 ມັງກອນ ເຊິ່ງໄດ້ດຶງດູດແຮງງານ, ປະຊາຊົນມາຢ້ຽມຊົມ ແລະ ຊື້ເຄື່ອງເປັນຈຳນວນຫຼວງຫຼາຍ. ໃນໂອກາດນີ້ ສະພະພັນແຮງງານ ນະຄອນໂຮ່ຈີມິນໄດ້ມອບຂອງຂວັນ 400 ພູດໃຫ້ແກ່ກຳມະກອນທີ່ດີເດັ່ນ, ຜູ້ອອກແຮງງານທີ່ປະສົບກັບຄວາມຫຍຸ້ງຍາກ.
(ແຫຼ່ງຄັດຈາກ VOV)