ພິທີສະເຫຼີມສະຫຼອງ ວັນຄູ ຫວຽດນາມ  (ພາບ: TTXVN)

ຕອນເຊົ້າວັນທີ 18 ພະຈິກ, ຢູ່ຮ່າໂນ້ຍ, ກະຊວງແຮງງານ ທະຫານເສຍອົງຄະ ແລະ ສັງຄົມ ຫວຽດນາມ ໄດ້ຈັດຕັ້ງພິທີສະເຫຼີມສະຫຼອງ ວັນຄູ ຫວຽດນາມ ຄືວັນທີ 20 ພະຈິກ, ອັດງານແຂ່ງຂັນການສິດສອນ ສຶກສາວິຊາຊີບ ທົ່ວປະເທດປີ 2021 ແລະ ຮັບຫຼຽນໄຊແຮງງານຊັ້ນໜຶ່ງ ຂອງ ກົມໃຫຍ່ການສຶກສາວິຊາຊີບ.

ກ່າວຄຳເຫັນທີ່ພິທີສະເຫຼີມສະຫຼອງ, ທ່ານເລເຕິນຢຸງ ຮອງລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ ໄດ້ຊີ້ແຈ້ງວ່າ: ສົກຮຽນຜ່ານມາ, ໂລກລະບາດໂຄວິດ - 19 ໄດ້ກໍ່ຄວາມສັບສົນຫຼາຍຢ່າງ, ກໍ່ຜົນສະທ້ອນຫຼາຍ ຕໍ່ຂົງເຂດບຳລຸງສ້າງວິຊາຊີບ ແລະ ວຽກເຮັດງານທຳ, ຢູ່ຫຼາຍແຂວງ, ນະຄອນຕ້ອງປະຕິບັດການແຍກຫ່າງສັງຄົມ ກໍ່ໄດ້ສົ່ງຜົນສະທ້ອນ ຫຼາຍຢ່າງຕໍ່ການຮຽນ - ການສອນຂອງ ຮາກຖານການສຶກສາວິຊາຊີບ ກ່ວາ 1.900 ແຫ່ງໃນທົ່ວປະເທດ.  ເຖິງຢ່າງໃດກໍຕາມ, ລະບົບການສຶກສາວິຊາຊີບ ໃນທົ່ວປະເທດ ໄດ້ເປັນເຈົ້າການ, ມີໄຫວພິບ ໃນການຮັບມື, ຫັນປ່ຽນຮູບແບບການສິດສອນໂດຍກົງ ໄປເປັນການສອນທາງອອນລາຍ. ໝູນໃຊ້ເຕັກໂນໂລຢີຂໍ້ມູນຂ່າວສານດ້ວຍຈິດໃຈເຂັ້ມແຂງທີ່ສຸດ ເພື່ອຮັບປະກັນໃຫ້ການຮຽນ - ການສອນຂອງຄູອາຈານ ແລະ ນັກຮຽນ ບໍ່ຖືກຂາດວັກຂາດຕອນ.

ແລະກໍ່ໃນຕອນເຊົ້າວັນທີ 18 ພະຈິກ, ຢູ່ຮ່າໂນ້ຍ, ສະຖາບັນການເມືອງ ແຫ່ງຊາດ ໂຮ່ຈີມິນ ໄດ້ຈັດຕັ້ງພິທີສະເຫຼີມສະຫຼອງ ວັນຄູ ຫວຽດນາມ ຄົບຮອບ 39 ປີ ຕາມຮູບການທາງໄກ ສົມທົບໂດຍກົງ.

(ແຫຼ່ງຄັດຈາກ VOV)