ທ່ານເອກອັກຄະລັດຖະທູດ ຫວຽດນາມ ປະຈຳ ສິງກະໂປ ມາຍເຟືອກຢຸງ ໄດ້ເນັ້ນໜັກໃນເວລາຕອບສຳພາດ ຕໍ່ນັກຂ່າວ ຈາກສຳນັກຂ່າວສານຫວຽດນາມ ກ່ຽວກັບຄວາມໝາຍຂອງການຢ້ຽມຢາມ ສິງກະໂປ ນັບແຕ່ວັນທີ 8 ເຖິງ ວັນທີ 10 ກຸມພາ 2023 ຂອງ ທ່ານນາຍົກລັດຖະມົນຕີ ຟ້າມມິງຈິງ.
ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ (ພາບ: TTXVN)
ທ່ານ ມາຍເຟືອກຢຸງ ໃຫ້ຮູ້ວ່າ ໃນການຢ້ຽມຢາມໃນຄັ້ງນີ້, ນາຍົກລັດຖະມົນຕີ ສອງປະເທດ ຈະປຶກສາບັນດາມາດຕະການຫັນບັນດາຂໍ້ຕົກລົງຂອງການນຳຂັ້ນສູງ ແລະ ຊອກຫາບັນດາທິດທາງການຮ່ວມມືໃໝ່ ໃນໄລຍະທີ່ຈະມາເຖິງເປັນອັນລະອຽດ. ປະຈຸບັນ, ສິງກະໂປ ແມ່ນນັກລົງທຶນໃຫຍ່ທີ່ສຸດ ຂອງອາຊີຕາເວັນອອກສຽງໃຕ້, ໃຫຍ່ເປັນອັນດັບສອງຂອງໂລກ ທີ່ເຂົ້າມາລົງທຶນຢູ່ ຫວຽດນາມ. ຫຼາຍໂຄງການຂອງສິງກະໂປ ກຳລັງໄດ້ຮັບການຜັນຂະຫຍາຍ ດ້ວຍ 11 ເຂດອຸດສາຫະກຳ ລະຫວ່າງ ຫວຽດນາມ-ສິງກະໂປ (VSIP) ຢູ່ທົ່ວທຸກແຂວງ ທີ່ຂຶ້ນກັບສາມພາກ ເໜືອ-ກາງ-ໃຕ້, ສ້າງວຽກເຮັດງານທຳໃຫ້ກວ່າ 300.000 ຄົນ, ດ້ວຍຍອດມູນຄ່າການລົງທຶນບັນດາເຂດອຸດສາຫະກຳນີ້ ແມ່ນ 11 ກວ່າຕື້ ໂດລາສະຫະລັດ. ສອງຝ່າຍຈະສືບຕໍ່ຊຸກຍູ້ ການຮ່ວມມື ກ່ຽວກັບການຫັນປ່ຽນເປັນດີຈີຕອນ ແລະ ການຮ່ວມມືກ່ຽວກັບພະລັງງານສີຂຽວ, ພະລັງງານສະອາດ. ນີ້ແມ່ນສອງຂົງເຂດທີ່ ສິງກະໂປ ມີທ່າແຮງ ແລະ ຫວຽດນາມ ກຳລັງມີຄວາມຕ້ອງການ.