ຕອນບ່າຍວັນທີ 15 ທັນວາ, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ໃຫ້ການຕ້ອນຮັບທ່ານ Steven Udvar-Hazy, ປະທານບໍລິສັດ ໃຫ້ເຊົ່າເຮືອບິນ Air Lease Corporation ອາເມລິກາ (ALC).
ທ່ານນາຍົກລັດຖະມົນຕີ ຟ້າມມິງຈິງ ໃຫ້ການຕ້ອນຮັບ ທ່ານ Steven Udvar-Hazy, ປະທານບໍລິສັດ ໃຫ້ເຊົ່າເຮືອບິນ Air Lease Corporation ອາເມລິກາ (ພາບ: TTXVN)
ທີ່ການຕ້ອນຮັບ, ທ່ານນາຍົກລັດຖະມົນຕີ ຟ້າມມິງຈິງ ສະເໜີໃຫ້ ALC ໜູນຊ່ວຍບໍລິສັດການບິນແຫ່ງຊາດ ຫວຽດນາມ (Vietnam Airline) ໃນໄລຍະປະສົບກັບຄວາມຫຍຸ້ງຍາກຍ້ອນໂລກລະບາດໂຄວິດ - 19, ເປັນຕົ້ນແມ່ນ ສຳລັບບັນດາສັນຍາທີ່ໄດ້ລົງນາມແລ້ວ ແຕ່ຍັງບໍ່ທັນໄດ້ຜັນຂະຫຍາຍ, ກໍ່ຄືບ້ວງເງິນຕ່າງໆ. ທ່ານນາຍົກລັດຖະມົນຕີ ໃຫ້ຮູ້ວ່າ ຫວຽດນາມ ມີແຜນການເປີດບາງຖ້ຽວບິນສາກົນຄືນໃໝ່, ໃນນັ້ນມີຖ້ຽວບິນໄປຍັງ ອາເມລິກາ ແລະ Vietnam Airline ຈະເຂົ້າຮ່ວມວິວັດການນີ້.
ສ່ວນທ່ານ Steven Udvar-Hazy ກໍ່ເຫັນດີຈະໜູນຊ່ວຍບໍລິສັດການບິນແຫ່ງຊາດ ຫວຽດນາມ (Vietnam Airline) ໃນສັນຍາບາງສະບັບຢ່າງລະອຽດ, ທ່ານເຊື່ອໝັ້ນວ່າ ດ້ວຍການໜູນຊ່ວຍນີ້ ແລະ ພາຍຫຼັງທີ່ຫວຽດນາມ ເປີດປະຕູເສດຖະກິດ ການພົວພັນການຄ້າ, ການທ່ອງທ່ຽວ ກັບມາເຄື່ອນໄຫວຄືນໃໝ່ ຈະຊ່ວຍໃຫ້ Vietnam Airline ຟື້ນຟູ ແລະ ພັດທະນາ.
ພາຍຫຼັງການຕ້ອນຮັບ, ທ່ານ ນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເປັນສັກຂີພິຍານ ແລກປ່ຽນຂໍ້ຕົກລົງໜູນຊວ່ຍ ລະຫວ່າງ Vietnam Airline ແລະ ALC.
(ແຫຼ່ງຄັດຈາກ VOV)