ເລື່ອງການນຳສູງສຸດ ຫວຽດນາມ ເຂົ້າຮ່ວມສັບປະດາສຸດຍອດ APEC ຄັ້ງທີ 33 ໄດ້ສະແດງໃຫ້ເຫັນການຖືເປັນສຳຄັນ ແລະ ການປະກອບສ້ວນຢ່າງຕັ້ງໜ້າ, ມີຄວາມຮັບຜິດຊອບຂອງ ຫວຽດນາມ ຕໍ່ກັບການຮ່ວມມື ແລະ ເຊື່ອມຕໍ່ເສດຖະກິດຢູ່ພາກພື້ນ.
ທ່ານ ຟ້າມແທງບິ່ງ, ເອກອັກຄະລັດຖະທູດ ຫວຽດນາມ ປະຈຳ ຈີນ (ພາບ: VNA)
ທ່ານ ຟ້າມແທງບິ່ງ, ເອກອັກຄະລັດຖະທູດ ຫວຽດນາມ ປະຈຳ ຈີນ ເນັ້ນໜັກວ່າ ການເດີນທາງໄປປະຕິບັດງານຢູ່ ຈີນ ເຂົ້າຮ່ວມສັບປະດາສຸດຍອດເວທີປາໄສຮ່ວມມືເສດຖະກິດ ອາຊີ-ປາຊີຟິກ (APEC) ຄັ້ງທີ 33 ແລະ ເຮັດວຽກລະຫວ່າງສອງຝ່າຍ ແຕ່ວັນທີ 17 ຫາ 20 ພະຈິກ ຂອງທ່ານ ໂຕເລິມ, ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ ຫວຽດນາມ ມີຄວາມໝາຍສຳຄັນນັບທັງ ດ້ານສອງຝ່າຍ ແລະ ຫຼາຍຝ່າຍ.
ກ່ຽວກັບຫຼາຍຝ່າຍ, ເລື່ອງການນຳສູງສຸດ ຫວຽດນາມ ເຂົ້າຮ່ວມສັບປະດາສຸດຍອດ APEC ຄັ້ງທີ 33 ໄດ້ສະແດງໃຫ້ເຫັນການຖືເປັນສຳຄັນ ແລະ ການປະກອບສ້ວນຢ່າງຕັ້ງໜ້າ, ມີຄວາມຮັບຜິດຊອບຂອງ ຫວຽດນາມ ຕໍ່ກັບການຮ່ວມມື ແລະ ເຊື່ອມຕໍ່ເສດຖະກິດຢູ່ພາກພື້ນ. ນີ້ແມ່ນໂອກາດເພື່ອໃຫ້ ຫວຽດນາມ ພ້ອມກັບບັນດາພື້ນຖານເສດຖະກິດພາຄີແລກປ່ຽນບັນດາການກຳນົດທິດການຮ່ວມມືໃຫຍ່, ຊຸກຍູ້ການສົນທະນາ, ປັບປຸງຄວາມໄວ້ເນື້ອເຊື່ອໃຈ ແລະ ຊອກຫາມາດຕະການແກ້ໄຂລວມ ເພື່ອສ້າງພາກພື້ນອາຊີ-ປາຊີຟິກ ສັນຕິພາບ, ສະຖຽນລະພາບ, ເປີດກວ້າງ, ຂະຫຍັນຂັນເຄື່ອນ ແລະ ວັດທະນາຖາວອນ
ກ່ຽວກັບສອງຝ່າຍ, ການໄປປະຕິບັດງານສືບຕໍ່ຢືນຢັນເລື່ອງ ຫວຽດນາມ ມີຄວາມສະເໝີຕົ້ນສະເໝີປາຍຖືການພັດທະນາການພົວພັນກັບ ຈີນ ແມ່ນຄວາມຮຽກຮ້ອງຕ້ອງການພາວະວິໄສ, ເປັນທາງເລືອກຍຸດທະສາດ ແລະ ແມ່ນບຸລິມະສິດແຖວໜ້າ ໃນນະໂຍບາຍການຕ່າງປະເທດ ແລະ ຈີນ ຍາມໃດກໍຖື ຫວຽດນາມ ແມ່ນທິດທາງບຸລິມະສິດໃນນະໂຍບາຍການຕ່າງປະເທດຖານບ້ານໃກ້ເຮືອນຄຽງຂອງຕົນ.