ຕອນເຊົ້າວັນທີ 19 ພຶດສະພາ, ເນື່ອງໃນໂອກາດ ສະເຫຼີມສະຫຼອງ 129 ປີແຫ່ງວັນຄ້າຍວັນເກີດປະທານໂຮ່ຈີມິນ (19/5/1890 – 19/5/2019),ຄະນະຜູ້ແທນຄະນະບໍລິຫານງານສູນກາງພັກກອມມູນິດຫວຽດນາມ, ປະທານປະເທດ, ສະພາແຫ່ງຊາດ, ລັດຖະບານ, ຄະນະກຳມະການສູນກາງແນວໂຮມປະເທດຊາດຫວຽດນາມ, ຄະນະຜູ້ແທນຄະນະພັກການທະຫານສູນກາງ ແລະ ກະຊວງປ້ອງກັນປະເທດ, ຄະນະພັກຕຳຫຼວດສູນກາງ ແລະ ກະຊວງຕຳຫຼວດຫວຽດນາມ, ຄະນະພັກນະຄອນ, ສະພາປະຊາຊົນ, ຄະນະກຳມະການປະຊາຊົນນະຄອນຮ່າ ໂນ້ຍ….. ໄດ້ໄປວາງພວງມາລາ ແລະ ເຂົ້າສຸສານໄວ້ອາໄລປະທານໂຮ່ຈີມິນ.
![](https://imagevietnam.vnanet.vn/Upload/2019/5/20/20052019134942519tieudiem-hoatdongkyniemngaysinhcthcmcanuoc_wedo.jpg)
ຄະນະຜູ້ແທນການນຳ, ອະດີດການນຳພັກ, ລັດ ແລະ ແນວໂຮມປະເທດຊາດຫວຽດນາມ ວາງພວງມາລາ ແລະ ເຂົ້າສຸສານໄວ້ອາໄລປະທານໂຮ່ຈີມິນ
(ພາບ: TTXVN )
ເຂົ້າຮ່ວມພິທີໄວ້ອາໄລມີທ່ານນາຍົກລັດຖະມົນຕີຫງວຽນຊວັນຟຸກ, ທ່ານນາງປະທານສະພາແຫ່ງຊາດຫງວຽນທິກີມເງິນ. ບັນດາທ່ານການນຳ, ອະດີດການນຳພັກ, ລັດ, ນັກປະຕິວັດຜູ້ອາວຸໂສ ແລະ ການນຳບັນດາກະຊວງ, ຄະນະ, ຂະແໜງການ, ອົງການຈັດຕັ້ງຂັ້ນສູນກາງກໍ່ໄດ້ເຂົ້າຮ່ວມພິທີ. ຄະນະດັ່ງກ່າວກໍ່ໄດ້ໄປວາງພວງມາລາອາໄລຫາບັນດານັກວິລະຊົນ, ນັກຮົບເສຍສະຫຼະຊີວິດເພື່ອຊາດທີ່ອະນຸສາວະລີບັນດານັກວິລະຊົນ, ນັກຮົບເສຍສະຫຼະຊີວິດເພື່ອຊາດ.
ໃນຕອນເຊົ້າຂອງວັນດຽວກັນ, ຄະນະຜູ້ແທນອົງຄະນະພັກ, ສະພາປະຊາຊົນ, ຄະນະກຳມະການປະຊາຊົນນະຄອນໂຮ່ຈີມິນ, ຄະນະກຳມະການແນວໂຮມປະເທດຊາດຫວຽດນາມ ນະຄອນໂຮ່ຈີມິນ ພ້ອມດ້ວຍບັນດາກຳລັງປະກອບອາວຸດ, ປະຊາຊົນທຸກຊັ້ນຄົນເປັນຈຳນວນຫຼວງຫຼາຍກໍ່ໄດ້ໄປຖະຫວາຍດອກໄມ້ ທູບທຽນອາໄລຫາປະທານໂຮ່ຈີມິນ ທີ່ຫໍພິພິຕະພັນໂຮ່ຈີມິນ ສາຂະນະຄອນໂຮ່ຈີມິນ ແລະ ອະນຸສາວະລີປະທານໂຮ່ຈີມິນ ຢູ່ເມືອງ 1.
ໃນຂອບເຂດກອງປະຊຸມໃຫ່ຍຫຼານຄຳຮູ້ຂອງລຸງໂຮ່ ປີ 2019 ດ້ວຍຫົວເລື່ອງ “ເຍົາວະຊົນນະຄອນເຮັດຕາມຄຳສັ່ງສອນຂອງລຸງໂຮ່ 5 ຂໍ້” ນັ້ນ, ຕອນບ່າຍຂອງ ວັນທີ 18 ພຶດສະພາ, ຄະນະຊາວໜຸ່ມ-ສະພາກອງເຍົາວະຊົນນະຄອນໂຮ່ຈີມິນ ໄດ້ຈັດຕັ້ງພິທີຍ້ອງຍໍສັນລະເສີນແບບຢ່າງດີເດັ່ນທີ່ເປັນຫຼານຄຳຮູ້ຂອງລຸງໂຮ່ 350 ນ້ອງ. ນ້ອງເຈີ່ນທິກີມຮ່ວາ, ຫົວໜ້າກອງເຍົາວະຊົນໂຮງຮຽນມັດທະຍົມຕອນຕົ້ນກູ່ຈິງລານ, ເມືອງບີນແທ້ງ ແບ່ງປັນວ່າ:
“ຄຳສັ່ງສອນຂອງລຸງໂຮ່ມີຄວາມໝາຍສຳຄັນທີ່ສຸດ, ຊ່ວຍໃຫ້ພວກນ້ອງກາຍເປັນພົນລະເມືອງຕົວນ້ອຍທີ່ດີກ່ວາ. ເພື່ອເຮັດຕາມຄຳສັ່ງສອນ 5 ຂໍ້ຂອງລຸງໂຮ່, ຢູ່ບ້ານນ້ອງໄດ້ຊ່ວຍແມ່ເຮັດວຽກທີ່ເໝາະສົມກັບອາຍຸ, ສ່ວນຢູ່ໂຮງຮຽນນ້ອງກໍ່ໄດ້ຊ່ວຍເຫຼືອຄູອາຈານ, ໝູ່ເພື່ອນຕາມຄວາມສາມາດຂອງຕົນ.”
(ແຫຼ່ງຄັດຈາກ VOV)