ເນື່ອງໃນໂອກາດສະເຫລີມສະຫລອງ 43 ປີແຫ່ງວັນປົດປ່ອຍພາກໃຕ້ຫວຽດນາມ, ທ້ອນໂຮມປະເທດຊາດເປັນເອກະພາບ (30 ເມສາ ປີ 1975 – 30 ເມສາປີ 2018), 132 ປີແຫ່ງວັນກຳມະກອນສາກົນ (1 ພຶດສະພາປີ 1886- 1 ພຶດສະພາປີ 2018),
![](https://imagevietnam.vnanet.vn/Upload/2018/4/29/29042018103749678nhieuhoatdongynghiadip30415_rmgq.jpg)
ບັນດານັກຮົບເກົ່າເຂົ້າຮ່ວມພິທີໄຂງານວາງສະແດງ "ວັນທ້ອນໂຮມປະເທດຊາດເປັນເອກະພາບ"
ພາບ:dantri.com
ຕອນເຊົ້າວັນທີ 28 ເມສາ, ຄະນະຜູ້ແທນຄະນະພັກ, ສະພາປະຊາຊົນ, ຄະນະກຳມະການປະຊາຊົນ, ແນວໂຮມປະເທດຊາດ ຫວຽດນາມ ຢູ່ ນະຄອນ ໂຮ່ຈິມີນ ໄດ້ຈັດຕັ້ງພິທີໄຫວ້ອາໄລບັນດານັກຮົບເສຍສະຫລະຊີວິດເພື່ອຊາດ ຢູ່ ສຸສານນັກຮົບເສຍສະຫລະຊີວິດເພື່ອຊາດນະຄອນໂຮ່ຈິມີນ ແລະ ເຂົ້າຮ່ວມພິທີຖະຫວາຍທູບທຽນປະທານໂຮ່ຈິມີນ, ປະທານ ໂຕນດຶກທັງ ຢູ່ ຫໍພິພິທະພັນປະທານໂຮ່ຈິມີນ ແລະ ຫໍພິພິທະພັນປະທານ ໂຕນດຶກທັງ. ເຂົ້າຮ່ວມພິທີ, ມີທ່ານ ເຈືອງຮ່ວາບີງ, ຮອງນາຍົກລັດຖະມົນຕີ ຜູ້ປະຈຳການລັດຖະບານ, ທ່ານ ຫງວຽນທ້ຽນເຍີນ ເລຂາຄະນະພັກນະຄອນໂຮ່ຈິມີນ.
ຕອນບ່າຍວັນທີ 27 ເມສາ, ເນື່ອງໃນໂອກາດສະເຫລີມສະຫລອງ 43 ປີແຫ່ງວັນປົດປ່ອຍພາກໃຕ້ຫວຽດນາມ, ທ້ອນໂຮມປະເທດຊາດເປັນເອກະພາບ, 46 ປີແຫ່ງວັນປົດປ່ອຍແຂວງ ກວ໋າງຈີ້ (1 ພຶດສະພາປີ 1972- 1 ພຶດສະພາປີ 2018), ຄະນະພັກແຂວງ, ຄະນະກຳມະການປະຊາຊົນ, ແນວໂຮມປະເທດຊາດຫວຽດນາມ, ຄະນະຜູ້ແທນສະພາແຫ່ງຊາດ ພ້ອມກັບບັນດາຄະນະ, ຂະແຫນງການແຂວງ ກວ໋າງຈີ້ ໄດ້ໄປວາງພວງມາລາຖະຫວາຍທູບທຽນຢູ່ບັນດາສຸສານ, ເຂດອະນຸສອນສະຖານ, ອາໄລຫາ ແລະ ສະແດງຄວາມຮູ້ບຸນຄຸນຕໍ່ບັນດານັກຮົບເສຍສະຫລະຊີວິດເພື່ອຊາດ. ແລະ ກໍ່ເນື່ອງໃນໂອກາດນີ້ ນະຄອນ ຮ່າໂນ້ຍ ກໍໍ່ໄດ້ຈັດຕັ້ງການໂຄສະນາ, ປະດັບປະດາຖະຫນົນຫົນທາງຢູ່ເຂດໃຈກາງນະຄອນ ແລະ ຈັດຕັ້ງຫລາຍລາຍການສະແດງສິລະປະເພື່ອສະເຫລີມສະຫລອງເຫດການດັ່ງກ່າວ.
(ແຫຼ່ງຄັດຈາກ VOV)