ທ່ານ ເລຮວ່າຍຈຸງ, ລັດຖະມົນຕີກະຊວງການຕ່າງປະເທດ ຫວຽດນາມ. (ພາບ: VNA)

​ຕີ​ລາ​ຄາ​ໝາກຜົນການຢ້ຽມຢາມ ຍີ່ປຸ່ນ ຢ່າງເປັນທາງການຂອງທ່ານ ໂຕເລີມ, ເລຂາທິການໃຫຍ່ຄະ​ນະ​ບໍ​ລິ​ຫານ​ງານ​ສູນ​ກາງ​ພັກ​ກອມ​ມູ​ນິດ​ ຫວຽດ​ນາມ, ປະ​ທານ​ປະ​ເທດ ຫວຽດ​ນາມ ແລະ ພັນລະຍາ ແຕ່ວັນທີ 08 ຫາ 11 ພະຈິກ, ທ່ານ ເລຮວ່າຍຈຸງ, ລັດຖະມົນຕີກະຊວງການຕ່າງປະເທດ ຫວຽດ​ນາມ ຢືນຢັນວ່າ ການຢ້ຽມຢາມບັນ​ລຸ​ໝາກ​ຜົນສຳຄັນຫຼາຍຢ່າງ, ປະກອບສ່ວນຍົກລະດັບການພົວພັນຄູ່ຮ່ວມມືຍຸດ​ທະ​ສາດ​ຮອບ​ດ້ານ​ລະຫວ່າງ ຫວຽດນາມ - ຍີ່ປຸ່ນ, ເປີດໄລຍະການຮ່ວມມືໃໝ່ລະ​ຫວ່າງ​ສອງ​ປະ​ເທດ.

ທ່ານລັດຖະມົນຕີ ເລຮວ່າຍຈຸງ ເນັ້ນໜັກວ່າ ຜົນສຳເລດພົ້ນເດັ່ນຂອງການ​ຢ້ຽມ​ຢາມ ຍີ່ປຸ່ນ ຢ່າງເປັນທາງການຂອງທ່ານເລຂາທິການໃຫຍ່, ປະ​ທານ​ປະ​ເທດ ໂຕເລີມ ໄດ້ສ້າງ​ການ​ກຳ​ນົດ​ທິດການຮ່ວມມືໃໝ່ໃນ​ການພົວພັນ ຫວຽດນາມ - ຍີ່ປຸ່ນ; ເປີດຫຼາຍ​ໂອ​ກາດໃໝ່​ໃນ​ບັນ​ດາ​ຂົງ​ເຂດເຊິ່ງ​ທັງ​ສອງ​ຝ່​າຍ​ມີ​ທ່າ​ແຮງ, ມ​ີຄວາມຕ້ອງການ; ສ້າງເປັນກຳ​ລັງ​ໜູນໃໝ່ເພື່ອຫັນ​ບັນ​ດາຄຳໝັ້ນສັນຍາ, ຂໍ້ຕົກລົງທີ່ບັນລຸໄດ້​ໄປ​ສູ່​ໄລ​ຍະ​ພັດ​ທະ​ນາ​ຢ່າງ​ເລິກ​ເຊິ່ງ, ກວ້າງ​ຂວາງ ແລະ ມີ​ປະ​ສິດ​ທິ​ຜົນ, ​ປະ​ກອບ​ສ່ວນຢ່າງຕັ້ງໜ້າ​ເຂົ້າ​ໃນການ​ປະ​ຕິ​ບັດເປົ້າໝາຍການເຕີບໂຕ ແລະ ຄວາມເປັນເຈົ້າ​ຍຸດ​ທະ​ສາດ​ຂອງທັງສອງປະເທດ.