ທ່ານ ທອງສະຫວັນ ພົມວິຫານ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ລາວ (ພາບ: VNA)

ການຢ້ຽມຢາມ ສປປ ລາວ ຂອງທ່ານນາຍົກລັດຖະມົນຕີ ເລມິນຮຶງ ມີຄວາມໝາຍປະຫວັດສາດອັນຍິ່ງໃຫຍ່. ນີ້ແມ່ນ​ຄຳ​ຢືນ​ຢັນ​ຂອງທ່ານ ທອງສະຫວັນ ພົມວິຫານ, ຮອງ​ນາ​ຍົກ​ລັດ​ຖະ​ມົນ​ຕີ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ທີ່​ການ​ຕອບ​ສຳ​ພາດຕໍ່ນັກຂ່າວສຳນັກຂ່າວ ຫວຽດນາມ ປະຈຳ ລາວ ກ່ອນການເດີນ​ທາງ​ໄປຢ້ຽມຢາມ ສ​ປ​ປ.ລາວ ຢ່າງ​ເປັນ​ທາງ​ການ, ແຕ່ວັນທີ 08 - 09 ຕຸລາ 2026 ຂອງທ່ານ ເລ​ມິນ​ຮຶງ, ນາຍົກລັດຖະມົນຕີ ຫວຽດນາມ, ຄະນະຜູ້ແທນຂັ້ນສູງ ຫວຽດນາມ ຕາມຄຳເຊີນຂອງ​ທ່ານ ສະເຫຼີມໄຊ ກົມມະສິດ, ນາຍົກລັດຖະມົນຕີລາວ.

ທ່ານ ທອງສະຫວັນ ພົມວິຫານ, ຮອງນາຍົກລັດຖະມົນຕີ, ລັດຖະມົນຕີກະ​ຊວງການ​ຕ່າງປະເທດ ລາວ ໄດ້ເນັ້ນໜັກວ່າ, ການຢ້ຽມຢາມຄັ້ງນີ້ ໄດ້ດຳເນີນໄປໃນ​ສະ​ພາບ​ທີ່ການພິເສດ, ເມື່ອສອງປະເທດ​ພວມເຂົ້າສູ່ປີທຳອິດຂອງການ​ຜັນ​ຂະ​ຫຍາຍ​ປະ​ຕິ​ບັດມະຕິກອງປະຊຸມໃຫຍ່​ຄັ້ງທີ 12 ຂອງ​ພັກກອມ​ມູ​ນິດ ລາວ ແລະ ກອງປະ​ຊຸມໃຫຍ່ຄັ້ງທີ 14 ຂອງພັກກອມມູນິດ ຫວຽດນາມ; ລາວ ຫາກໍ່ສຳເລັດການ​ເລືອກຕັ້ງປະທານສະພາແຫ່ງຊາດຊຸດທີ 10 ແລະ ນາຍົກລັດຖະມົນຕີ​ອາ​ຍຸ​ການໃໝ່ທີ່ກອງ​ປະ​ຊຸມເທື່ອທີ 2 ສະພາແຫ່ງຊາດຊຸດທີ 10, ຫວຽດນາມ ກໍ່​ພວມ​ຈັດກອງປະຊຸມໃຫຍ່​ເທື່ອທີ 4 ຄະນະບໍ​ລິ​ຫານ​ງານສູນກາງພັກກອມມູນິດ ຫວຽດນາມ ຊຸດທີ 14 ແລະ ກະກຽມ​ໃຫ້​ແກ່ກອງປະຊຸມ​ສະ​ໄໝ​ສາ​ມັ​ນສະພາແຫ່ງຊາດຊຸດທີ 16...

​ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ລາວ ໃຫ້​ຮູ້ວ່າ ​ຄາດ​ວ່າ, ໃນການຢ້ຽມຢາມຢ່າງເປັນທາງການຂອງທ່ານນາຍົກລັດຖະມົນຕີ ​ເລ​ມິນ​ຮຶງ ຄັ້ງນີ້ສອງຝ່າຍຈະໄດ້ລົງນາມ ແລະ ແລກປ່ຽນເອກະສານຮ່ວມມືກວ່າ 10 ສະບັບໃນຫຼາຍຂົງເຂດທີ່ສຳຄັນ, ນັບແຕ່ລະດັບສູນກາງ​ລົງ​ຮອດ​ຂັ້ນທ້ອງຖິ່ນ. ໃນ​ຂອບ​​ເຂດ​ການຢ້ຽມຢາມ ຈະຈັດກອງປະຊຸມສົ່ງເສີມການລົງທຶນ ລາວ-ຫວຽດນາມ, ດ້ວຍ​ການ​ເຂົ້າ​ຮ່ວມ​ຂອງຜູ້ແທນປະມານ 1.000 ຄົນ ທີ່​ຕ່າງ​ໜ້າ​ໃຫ້​ບັນ​ດາອົງການ​ຄຸ້ມ​ຄອງລັດ ແລະ ປະ​ຊາ​ຄົມ​ວິ​ສາ​ຫະ​ກິດ​ຂອງທັງສອງປະເທດ. ທ່ານກໍ່ເນັ້ນໜັກວ່າ ລາວ ຫວັງວ່າ, ການຢ້ຽມຢາມຄັ້ງນີ້ຈະສ້າງ​ບາດກ້າວສຳຄັນໃນ​ການຍົກ​ລະ​ດັບ​ການຮ່ວມ​ມີ​ດ້ານເສດຖະກິດ​ໃຫ້​ທຽບ​ເທົ່າ​ກັບ​ການພົວພັນດ້ານການເມືອງພິເສດລະ​ຫວ່າງ 2 ປະເທດ.