ດ້ານເສດຖະກິດ, ການແລກປ່ຽນການຄ້າໄດ້ເພີ່ມຂຶ້ນກະໂດດຂັ້ນ, ທົບ 3 ເທົ່າໃນຮອບເວລາ 10 ປີຜ່ານມາ (ຈາກ 1,5 ຕື້ USD ໃນປີ 2009 ເພີ່ມຂຶ້ນກວ່າ 4,6 ຕື້ USD ໃນປີ 2018).
ທ່ານນາງເອກອັກຄະລັດຖະທູດຫວຽດນາມ ປະຈຳອີຕາລີ ຫງວຽນທິບິ໊ກເຫ້ວ
ຕອບສຳພາດຕໍ່ນັກຂ່າວສຳນັກຂ່າວສານຫວຽດນາມ
(ພາບ: TTXVN)
ຜ່ານໄລຍະ 45 ປີແຫ່ງວັນສ້າງຕັ້ງການພົວພັນທາງການທູດ ແລະ 5 ປີແຫ່ງວັນສ້າງຕັ້ງການພົວພັນຄູ່ຮ່ວມມືຍຸດທະສາດ, ການພົວພັນລະຫວ່າງຫວຽດນາມ - ອີຕາລີ ຍັງຄົງນອນໃນທ່າພັດທະນາຢ່າງຕັ້ງໜ້າ, ນັບມື້ນັບເລິກເຊິ່ງ, ກວ້າງຂວາງໃນທຸກຂົງເຂດ, ຈາກດ້ານການເມືອງ, ເສດຖະກິດ, ວັດທະນະທຳ, ການສຶກສາ ແລະ ການຮ່ວມມືທາງທ້ອງຖິ່ນ. ນັ້ນແມ່ນຄຳຢືນຢັນຂອງທ່ານນາງເອກອັກຄະລັດຖະທູດຫວຽດນາມ ປະຈຳອີຕາລີ ຫງວຽນທິບິ໊ກເຫ້ວ ເມື່ອຕອບສຳພາດຕໍ່ນັກຂ່າວສຳນັກຂ່າວສານຫວຽດນາມ ປະຈຳອີຕາລີ ເນື່ອງໃນໂອກາດທ່ານນາຍົກລັດຖະມົນຕີອີຕາລີ Giuseppe Conte ໃກ້ຈະມາຢ້ຽມຢາມຫວຽດນາມ ຢ່າງເປັນທາງການ ແລະ ເຂົ້າຮ່ວມ “ການສົນທະນາຂັ້ນສູງກ່ຽວກັບການພົວພັນດ້ານເສດຖະກິດອາຊຽນ - ອີຕາລີ ຄັ້ງທີ 3” ເຊິ່ງຈະດຳເນີນຢູ່ນະຄອນຫຼວງຮ່າໂນ້ຍ ໃນລະຫວ່າງວັນທີ 05 – 06 ມິຖຸນາ.
ທ່ານນາງເອກອັກຄະລັດຖະທູດ ຫງວຽນທິບິ໊ກເຫ້ວ ໃຫ້ຮູ້ວ່າ, ກ່ຽວກັບດ້ານເສດຖະກິດ, ການແລກປ່ຽນການຄ້າໄດ້ເພີ່ມຂຶ້ນກະໂດດຂັ້ນ, ທົບ 3 ເທົ່າໃນຮອບເວລາ 10 ປີຜ່ານມາ (ຈາກ 1,5 ຕື້ USD ໃນປີ 2009 ເພີ່ມຂຶ້ນກວ່າ 4,6 ຕື້ USD ໃນປີ 2018). ປະຈຸບັນ, ຫວຽດນາມ ແມ່ນຄູ່ຮ່ວມມືດ້ານການຄ້າໃຫຍ່ກວ່າໝູ່ຂອງອີຕາລີ ຢູ່ອາຊຽນ ແລະ ກົງກັນຂ້າມ, ອີຕາລີ ແມ່ນຄູ່ຮ່ວມມືດ້ານການຄ້າໃຫຍ່ອັນກັບທີ 3 ຂອງຫວຽດນາມ ໃນສະຫະພາບເອີລົບ (EU).
ທ່ານນາງເອກອັກຄະລັດຖະທູດ ຫງວຽນທິບິ໊ກເຫ້ວ ກໍ່ໃຫ້ຮູ້ວ່າ, ເວທີປາໄສຂັ້ນສູງອາຊຽນ - ອີຕາລີ ຄັ້ງນີ້ ແມ່ນເວທີປາໄສສຳຄັນເພື່ອເຊື່ອມຕໍ່ການນຳລັດຖະບານ, ວິສາຫະກິດບັນດາປະເທດອາຊຽນ ແລະ ອີຕາລີ ໂດຍກົງ. ຜ່ານການສົນທະນາ, ປະຊາຄົມວິສາຫະກິດອີຕາລີ ຈະເຂົ້າໃຈກ່ຽວກັບຜົນປະໂຫຍດຂອງການຮ່ວມມືລົງທຶນ ແລະ ການຄ້າກັບບັນດາປະເທດອາຊຽນ, ໃນນັ້ນມີຫວຽດນາມ.
(ແຫຼ່ງຄັດຈາກ VOV)