ໃນຂອບເຂດການຢ້ຽມຢາມ ຍີ່ປຸ່ນ, ວັນທີ 27 ພຶດສະພາ, ທ່ານປະທານາທິບໍດີ ອາເມລິກາ Donald Trump ໄດ້ເຂົ້າຢ້ຽມຂ່ຳນັບເຈົ້າຈັກກະພັດ ແລະ ພະມະເຫສີ ຍີ່ປຸ່ນ, ຫລັງຈາກນັ້ນ ຈະດຳເນີນການພົບປະເຈລະຈາກັບທ່ານນາຍົກລັດຖະມົນຕີ ຍີ່ປຸ່ນ Shinzo Abe.
ທ່ານປະທານາທິບໍດີ ອາເມລິກາ Donald Trump ແລະ ທ່ານນາຍົກລັດຖະມົນຕີ ຍີ່ປຸ່ນ Shinzo Abe (ພາບ:CNN)
ບັນດາບັນຫາທີ່ຈະສຸມໃສ່ປຶກສາຫາລືທີ່ການພົບປະເຈລະຈາຄັ້ງນີ້ ແມ່ນການພົວພັນດ້ານການຄ້າລະຫວ່າງ 2 ປະເທດ ແນໃສ່ມຸ່ງໄປເຖິງການລົງນາມໃນສັນຍາການຄ້າ ຍີ່ປຸ່ນ - ອາເມລິກາ ສະບັບໃໝ່. ໃນນັ້ນ, ບັນຫາໃຫຍ່ສຸດແມ່ນ ອັດຕາພາສີຂອງຜະລິດຕະພັນກະເສດ ແລະ ຊີ້ນງົວ, ລົດໂອໂຕຂອງ ຍີ່ປຸ່ນ ສົ່ງອອກໄປຍັງ ອາເມລິກາ. ຕາມນັ້ນແລ້ວ, ທ່ານນາຍົກລັດຖະມົນຕີ ຍີ່ປຸ່ນ ແລະ ທ່ານປະທານາທິບໍດີ ອາເມລິກາ ຈະປຶກສາຫາລືບັນດາມາດຕະການ ແນໃສ່ຊຸກຍູ້ການດຳເນີນບັນດາການເຈລະຈາດ້ານການຄ້າລະຫວ່າງ 2 ຝ່າຍຢ່າງວ່ອງໄວ ມຸ່ງໄປເຖິງການດັດປັບດຸນການຄ້າລະຫວ່າງ 2 ຝ່າຍ.
ວົງການນັກໄຈ້ແຍກຖືວ່າ: ບັນດາບັນຫາລະຫວ່າງ 2 ປະເທດ ຈະສືບຕໍ່ໄດ້ຮັບການແກ້ໄຂ, ເຖິງຢ່າງໃດກໍ່ຕາມ ການຮ່ວມມືດ້ານການຄ້າລະຫວ່າງ 2 ປະເທດ ບໍ່ອາດແກ້ໄຂໃນການພົບປະເຈລະຈາຄັ້ງນີ້ໄດ້.
(ແຫຼ່ງຄັດຈາກ VOV)