ວັນທີ 2 ພະຈິກ, ໜັງສືພິມ Wall Street Journal ໄດ້ຄັດສະເໜີຄຳເວົ້າຂອງບັນດາເຈົ້າໜ້າທີ່ ອາເມລິກາ ໂດຍໃຫ້ຮູ້ວ່າ: ປະເທດນີ້ໄດ້ບຸກໂຈມຕີເກາະ Qeshm ຂອງອີຣານ. ຂໍ້ມູນຂ່າວດັ່ງກ່າວໄດ້ຍົກອອກມາພາຍຫຼັງສຳນັກຂ່າວສານແຫ່ງລັດ ອີຣານ IRNA ໃຫ້ຂ່າວວ່າ ໄດ້ເກີດມີເຫດລະເບີດໃນເກາະນອນໃນຊ່ອງທະເລແຄບ Hormuz.
ກຳ່ປັ່ນຢູ່ທ່າກຳ່ປັ່ນໃນເກາະ Qeshm ຂອງ Iran ໃນຊ່ອງທະເລແຄບ Hormuz. (ພາບ: IRNA/VNA)
ນີ້ແມ່ນການບຸກໂຈມຕີຫຼ້າສຸດໃນບັນດາການບຸກໂຈມຕີທາງອາກາດ ທີ່ຈຳກັດ ເຊິ່ງ ວໍຊິງຕັນ ດຳເນີນໃນຊຸມອາທິດມໍ່ໆມານີ້. ບັນດາການບຸກໂຈມຕີ ໄດ້ດຳເນີນໃນຂອບຂະໜາດນ້ອຍ ແລະ ເນັ້ນການຮັກສາຄວາມລັບ ເພື່ອຫຼີກລ້ຽງການສົ່ງສັນຍານວ່າ ອາເມລິກາ ມີແນວຄິດຢາກເຊື່ອມຕໍ່ບັ້ນຮົບການທະຫານຂະໜາດໃຫຍ່ແນໃສ່ ອີຣານ.
ແລະກໍ່ໃນວັນດຽວກັນ, ທ່ານ Trump, ປະທານາທິບໍດີ ອາເມລິກາ ກໍ່ສະແດງຄວາມເຊື່ອໝັ້ນວ່າ ອີຣານ ແລະ ອາເມລິກາ ອາດຈະບັນລຸໄດ້ຂໍ້ຕົກລົງເພື່ອແນໃສ່ຢຸດຕິການປະທະກັນຢູ່ ຕາເວັນອອກກາງ. ຫວ່າງມໍ່ໆມານີ້, ການນຳ ອາເມລິກາ ປະກາດວ່າ ວໍຊິງຕັນ ບໍ່ມີເຈດຈຳນົງບຸກໂຈມຕີ ເຕເຮຣານ ກ່ອນການເລືອກຕັ້ງກາງສະໄໝຂອງສະພາແຫ່ງຊາດ. ທ່ານ JD Vance, ຮອງປະທານາທິບໍດີ ອາເມລິກາ ກໍ່ໃຫ້ຮູ້ວ່າ ໄດ້ບັນລຸ “ຄວາມຄືບໜ້າຈຳນວນໜຶ່ງ” ໃນການປຶກສາຫາລືລະຫວ່າງ ອາເມລິກາ ແລະ ອີຣານ ເພື່ອແນໃສ່ຢຸດຕິການປະທະກັນ.