ກອງປະຊຸມຂອງກຸ່ມແມ່ຍິງອາຊຽນ ເພື່ອສັນຕິພາບ (AWPR)

(ພາບ: baoquocte.vn)

ກອງປະຊຸມໄດ້ສຸມໃສ່ປຶກສາຫາລືກ່ຽວກັບບັນດາມາດຕະການຜັນຂະຫຍາຍຖະແຫຼງການຮ່ວມຂອງການນຳອາຊຽນ ກ່ຽວກັບແມ່ຍິງ, ສັນຕິພາບ ແລະ ຄວາມໝັ້ນຄົງເຊິ່ງໄດ້ຮັບຮອງເອົາເມື່ອປີ 2017; ສະພາບການຜັນຂະຫຍາຍໂຄງການດຳເນີນງານແມ່ຍິງ - ສັນຕິພາບ - ຄວາມໝັ້ນຄົງຢູ່ພາກພື້ນ ແລະ ການກຳນົດທິດໃນໄລຍະຈະມາເຖິງ ໃນສະພາບການໂລກ ແລະ ພາກພື້ນມີການຫັນປ່ຽນຢ່າງວ່ອງໄວ ດ້ວຍຫຼາຍປັດໃຈທີ່ຂາດສະຖຽນລະພາບ. ຄະນະຜູ້ແທນຫວຽດນາມ ລວມມີທ່ານນາງເອກອັກຄະລັດຖະທູດ ຫງວຽນຫງວຽດງາ ແລະ ທ່ານນາງເອກອັກຄະລັດຖະທູດ ຫງວຽນທ໊າຍອຽນເຮືອງ ເຊິ່ງແມ່ນບັນດາຜູ້ຕາງໜ້າຂອງຫວຽດນາມ ໃນ AWPR, ໄດ້ເຂົ້າຮ່ວມ, ກ່າວຄຳເຫັນ ແລະ ເປັນປະທານວາລະປຶກສາຫາລືຂອງກອງປະຊຸມໜຶ່ງ.

        ທີ່ກອງປະຊຸມ, ບັນດາຜູ້ຕາງໜ້າ AWPR ຫວຽດນາມ, ໃນຖານະເປັນປະທານອາຊຽນ 2020 ແລະ ກຳມະການບໍ່ປະຈຳການສະພາຄວາມໝັ້ນຄົງສະຫະປະຊາຊາດ ອາຍຸການ 2020 – 2021, ໄດ້ແບ່ງປັນບັນດາບຸລິມະສິດຂອງຫວຽດນາມ ໃນການຊຸກຍູ້ການຮ່ວມມືກ່ຽວກັບແມ່ຍິງ, ສັນຕິພາບ ແລະ ຄວາມໝັ້ນຄົງໃນຂົງເຂດພາກພື້ນ ແລະ ທົ່ວໂລກ, 

        ເມື່ອເປັນປະທານບໍລິຫານວາລະປຶກສາຫາລືການແລກປ່ຽນກ່ຽວກັບການສ້າງບັນດາມາດຕະການຜັນຂະຫຍາຍຖະແຫຼງການຮ່ວມຂອງບັນດາການນຳອາຊຽນ ກ່ຽວກັບແມ່ຍິງ, ສັນຕິພາບ ແລະ ຄວາມໝັ້ນຄົງ, ທ່ານນາງເອກອັກຄະລັດຖະທູດ ຫງວຽນຫງວຽດງາ ໄດ້ກ່າວຄຳເຫັນກ່ຽວກັບການກຳນົດທິດຈຸດສຸມການປຶກສາຫາລືໂດຍສຸມໃສ່ບັນດາຂົງເຂດເຄື່ອນໄຫວບຸລິມະສິດເຊິ່ງ AWPR ອາດສາມາດຜັນຂະຫຍາຍໃນໄລຍະຈະມາເຖິງ ບົນພື້ນຖານນຳໃຊ້ພື້ນຖານເຕັກໂນໂລຊີດີຈີຕອນ, ເສີມຂະຫຍາຍບົດບາດຂອງແມ່ຍິງໃນການສຶກສາ ແລະ ການກຳນົດທິດຂອງໄວໜຸ່ມກ່ຽວກັບບັນດາຄຸນຄ່າສັນຕິພາບ…; ທິດທາງເປີດກວ້າງການຮ່ວມມືລະຫວ່າງ AWPR ກັບບັນດາຄູ່ຮ່ວມມື ແລະ ບັນດາຝ່າຍທ່ີກ່ຽວຂ້ອງໃນພາກພື້ນ ແລະ ໃນລະດັບທົ່ວໂລກ.

(ແຫຼ່ງຄັດຈາກ VOV)