ຕອນບ່າຍວັນທີ 24 ສິງຫາ, ຢູ່ຮ່າໂນ້ຍ, ໄດ້ດຳເນີນກອງປະຊຸມຄະນະຊີ້ນຳແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ-19 ໂດຍທ່ານຮອງນາຍົກລັດຖະມົນຕີຫວຽດນາມ ຫວູດຶກດາມ, ຫົວໜ້າຄະນະຊີ້ນຳເປັນປະທານ.
ກອງປະຊຸມຄະນະຊີ້ນຳແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ-19
(ພາບ: TTXVN)
ທີ່ກອງປະຊຸມ, ບັນດາສະມາຊິກໃນຄະນະຊີ້ນຳໄດ້ເນັ້ນໜັກເຖິງໂລກລະບາດໂຄວິດ-19 ຢູ່ ຫາຍເຢືອງ, ດ່ານັ້ງ ແລະ ກວາງນາມ ພວມໄດ້ຮັບການຄວບຄຸມ. ກະຊວງສາທາລະນະສຸກຈະລວບລວມບົດຮຽນສະພາບໂລກລະບາດໃນຄັ້ງນີ້ເພື່ອຝຶກອົບຮົມໃຫ້ແກ່ບັນດາແຂວງ, ນະຄອນ. ຄະນະຊີ້ນຳແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ-19 ສະເໜີໃຫ້ກະຊວງສາທາລະນະສຸກຕິດຕາມການຄົ້ນຄວ້າວັກຊິນ, ຜະລິດວັກຊິນ ປ້ອງກັນໂຄວິດ-19 ໃນທົ່ວໂລກ, ພ້ອມກັບກະຊວງວິທະຍາສາດເຕັກໂນໂລຊີຫວຽດນາມ ຄົ້ນຄວ້າວັກຊິນຢູ່ຫວຽດນາມ, ຜະລິດວັກຊິນປອດໄພໂດຍໄວ.
ແຫຼ່ງຂ່າວໃນເວລາ 18 ໂມງຂອງວັນທີ 24 ສິງຫາ ຂອງຄະນະຊີ້ນຳແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ-19 ໃຫ້ຮູ້ວ່າ, ນັບແຕ່ເວລາ 6 ໂມງຫາ 18 ໂມງຂອງວັນທີ 24 ສິງຫາ, ຫວຽດນາມ ໄດ້ກວດພົບຜູ້ຕິດໂລກລະບາດໂຄວິດ-19 ຕື່ມອີກ 6 ຄົນຢູ່ ດ່ານັ້ງ, ຫາຍເຢືອງ. ແລະກໍ່ໃນວັນດຽວກັນ, ຫວຽດນາມ ມີ 588/1022 ຄົນໄດ້ຮັບການປິ່ນປົວຫາຍດີເປັນປົກກະຕິ, ມີຜູ້ເສຍຊີວິດແມ່ນ 27 ຄົນ.
(ແຫຼ່ງຄັດຈາກ VOV)