ໃນໄລຍະຜ່ານມາ, ກອງທັບໄດ້ປະຕິບັດ 5 ຄຳຮຽກຮ້ອງໃນການປ້ອງກັນ, ຕ້ານໂລກລະບາດຢ່າງເຂັ້ມງວດ.
![](https://imagevietnam.vnanet.vn/Upload/2020/3/12/120320201045295513quandoihoanthienkichbanungpho_laix.jpg)
ທ່ານພົນໂທ ເຈິ່ນເດີນ
(ພາບ: TTXVN)
ວັນທີ 10 ມີນາ, ຢູ່ຮ່າໂນ້ຍ, ທ່ານພົນໂທ ເຈິ່ນເດີນ, ຮອງລັດຖະມົນຕີກະຊວງປ້ອງກັນປະເທດຫວຽດນາມ, ຫົວໜ້າຄະນະຊີ້ນຳກະຊວງປ້ອງກັນປະເທດ ກ່ຽວກັບການສະກັດກັ້ນ, ຕ້ານໂລກລະບາດ Covid-19 ໄດ້ເປັນປະທານກອງປະຊຸມຂອງຄະນະຊີ້ນຳກ່ຽວກັບວຽກງານສະກັດກັ້ນ, ຕ້ານໂລກລະບາດໃນກອງທັບ.
ກ່າວຄຳເຫັນທີ່ກອງປະຊຸມ, ທ່ານພົນໂທ ເຈິ່ນເດີນ ໄດ້ຕີລາຄາວ່າ: ໃນໄລຍະຜ່ານມາ, ກອງທັບໄດ້ປະຕິບັດ 5 ຄຳຮຽກຮ້ອງໃນການປ້ອງກັນ, ຕ້ານໂລກລະບາດຢ່າງເຂັ້ມງວດ, ຄື: ບໍ່ປະໃຫ້ໂລກພະຍາດແຜ່ລະບາດ, ບໍ່ປະໃຫ້ຖັນແຖວການແພດຖືກຕິດແປດ, ບໍ່ປະໃຫ້ມີຄົນເສຍຊີວິດ…
ຕາມທ່ານພົນໂທ ເຈິ່ນເດີນ ແລ້ວ, ປະຈຸບັນ ຫວຽດນາມ ພວມຢູ່ໃນໄລຍະໃໝ່ໃນການປ້ອງກັນ, ຕ້ານໂລກລະບາດ, ຄວນມີແຜນການເພື່ອກຽມພ້ອມຮັບມືກັບຄວາມສ່ຽງໂລກພະຍາດແຜ່ລະບາດຢ່າງຮ້າຍແຮງກວ່າ, ຮັບປະກັນການປະຕິບັດໃຫ້ຖືກຕ້ອງຕາມເນື້ອໃນຈິດໃຈ “ຕ້ານໂລກລະບາດຄືຕ້ານສັດຕູ”, ຢຶດໝັ້ນຕໍ່ທິດນຳກວດພົບໂດຍໄວ, ແຍກຕົວ, ປິດລ້ອມເຂດເພື່ອດັບມອດໂລກລະບາດ, ປິ່ນປົວຢູ່ບັນດາຮາກຖານສາທາລະນະສຸກ…
(ແຫຼ່ງຄັດຈາກ VOV)