ກອງປະຊຸມເວທີປາໄສເສດຖະກິດໂລກກ່ຽວກັບ ອາຊຽນປີ 2018 (WEF ASEAN) ຈະຖືກຈັດຂຶ້ນຢູ່ຮ່າໂນ້ຍແຕ່ວັນທີ 11 – 13 ກັນຍາ.
ທ່ານບຸ່ຍແທງເຊີນ ຮອງລັດຖະມົນຕີກະຊວງການຕ່າງປະເທດຫວຽດນາມ ກ່າວຄຳເຫັນທີ່ການປະຊຸມຂ່າວ (ນັ່ງຢູ່ເບື້ອງຂາວ)
(ພາບ: Anh Huyen)
ດ້ວຍ 55 ວາລະປຶກສາຫາລື, ກອງປະຊຸມຄາດວ່າ ຈະດຶງດູດການເຂົ້າຮ່ວມຂອງການນຳບັນດາປະເທດອາຊຽນ ແລະພາກພື້ນ, ບັນດາອົງການຈັດຕັ້ງສາກົນ, ນັກຊ່ຽວຊານ, ນັກຮຽນຮູ້ ແລະ ການນຳບັນດາກຸ່ມບໍລິສັດແຖວໜ້າຂອງໂລກ ແລະ ພາກພື້ນເປັນຈຳນວນຫຼວງຫຼາຍ. ກ່າວຄຳເຫັນທີ່ການປະຊຸມຂ່າວສາກົນ ກ່ຽວກັບ WEF ASEAN 2018 ເຊິ່ງໄດ້ດຳເນີນໃນຕອນບ່າຍວັນທີ 27 ມິຖຸນາ, ທ່ານຮອງລັດຖະມົນຕີກະຊວງການຕ່າງປະເທດຫວຽດນາມ ບຸ່ຍແທງເຊີນ ເນັ້ນໜັກວ່າ:
“ໂລກ ແລະ ອາຊຽນ ພວມຢືນຢູ່ຕໍ່ໜ້າບັນດາກາລະໂອກາດ ແລະ ສິ່ງທະທາຍໃຫຍ່ທີ່ສຸດ ກ່ຽວກັບການປະຕິວັດອຸດສາຫະກຳ 4.0. ດັ່ງນັ້ນ, ຫົວຂໍ້ ແລະ ເນື້ອໃນຂອງກອງປະຊຸມ ແມ່ນລ້ວນແຕ່ໝູນອ້ອມບັນຫາດັ່ງກ່າວ. ໃນລະດັບຊາດ, ກຳນົດວິໄສທັດ ແລະ ບາດກ້າວເດີນໃຫ້ແຕ່ລະປະເທດໃນອາຊຽນ ເມື່ອເຊື່ອມໂຍງເຂົ້າກັບສາກົນ, ເພື່ອໃຫ້ເໝາະສົມກັບການປະຕິວັດອຸດສາຫະກຳ 4.0. ຫຼືໃນແຕ່ລະປະເທດ ກໍຕ້ອງຊອກຫາບັນດາຮູບແບບການຄຸ້ມຄອງໃຫ້ເໝາະສົມທີ່ສຸດໃນຍຸກສະໄໝ ສັງກາດດີຈີຕອນ, ຊອກຫາບັນດາແຫຼ່ງກຳລັງໜູນໃໝ່ໃຫ້ແກ່ການເຕີບໂຕ”.
(ແຫຼ່ງຄັດຈາກ VOV)