ພາຍຫຼັງກໍ່ສ້າງສົມບູນແບບມາເປັນເວລາ 21 ເດືອນ, ວັນທີ 14 ມິຖຸນາ, ໂຮງງານລົດໂອໂຕ Vinfast ຢູ່ເຂດອຸດສາຫະກຳ ດິ່ງຫວູ໊, ກາດຫ໋າຍ, ຫ໋າຍຟ່ອງ, ໄດ້ຈັດພິທີເປີດສະຫຼອງໂຮງງານ, ກ້າວເຂົ້າດສູ່ໄລຍະ ຜະລິດລົດໂອໂຕເປັນຈຳນວນຫຼາຍ.
ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ແລະ ຜູ້ແທນຕັດແຖບຜ້າເປືດສະຫຼອງ
ໂຮງງານລົດໂອໂຕ Vinfast (ພາບ:TTXVN)
ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ເຂົ້າຮ່ວມ ແລະ ຊົມເຊີຍເຫດການສຳຄັນນີ້ິຂອງກຸ່ມບໍລິສັດ VinGroup ແລະ ຂະແໜງອຸດສາຫະກຳ ລົດໂອໂຕ ຫວຽດນາມ.ກ່າວຄຳເຫັນທີ່ພິທີ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ຕີລາຄາສູງຄວາມມານະພະຍາຍາມຂອງຖັນແຖວຜູ້ບັນຊາ, ພະນັກງານ, ວິສະວະກອນ, ກຳມະກອນ, ຜູ້ອອກແຮງງານຢູ່ໂຮງງານລົດໂອໂຕ Vinfast. ທ່ານນາຍົກລັດຖະມົນຕີຖືວ່າ ຄວາມວອງໄວໃນການກໍ່ສ້າງໂຮງງານລົດໂອໂຕ Vinfast ໄດ້ສະແດງໃຫ້ເຫັນຄວາມຄາດຫວັງອັນໃຫຍ່ຫຼວງໃນບັນດາຜູ້ “ທິີ່ຮ່ວມແຮງຮ່ວມໃຈ, ປະກອບສ່ວນພູມປັນຍາເພື່ອສ້າງຄວາມສຳເລັດທີ່ມະຫັດສະຈັນຂອງຂະແໜງລົດໂອໂຕ ຫວຽດນາມ ກໍ່ຄືໃນໂລກ”. ໝາກຜົນນີ້ບໍ່ພຽງແຕ່ພິສູດໃຫ້ເຫັນວ່າ ຊາວຫວຽດນາມກໍ່ສາມາດເຮັດໄດ້ບັນດາສິ່ງທີ່ໂລກເຮັດໄດ້, ສຳຄັນ ແລະ ແທດຈິງກ່ວາແມ່ນການປະກອບສ່ວນເຂົ້າໃນບັນດາຜົນງານເສດຖະກິດ - ສັງຄົມ ຂອງ ທ້ອງຖິ່ນ ແລະ ປະເທດຊາດ, ມຸ່ງໄປສູ່ເປົ້າໝາຍສ້າງສາປະເທດຊາດໃຫ້ມີຄວາມຮັ່ງມີພໍສົມຄວນ ໃນປີ 2045.
(ແຫຼ່ງຄັດຈາກ VOV)