ດຣ. Eduaro A.Sabio, ຜູ້ຕາງໜ້າຂົງເຂດຂອງ VECO ຫວຽດ ນາມທີ່ຮ່າໂນ້ຍ ໃຫ້ຮູ້ວ່າ ຫວຽດນາມ ເປັນປະເທດໜຶ່ງ ທີ່ມີທ່າ ແຮງບົ່ມຊ້ອນຫຼາຍໃນການຜະລິດກະສິກຳ, ແຕ່ຊາວກະສິກອນ ພັດມີຄວາມຈຳກັດໃນການເຂົ້າເຖິງຄວາມຮູ້ທາງດ້ານ ວິທະຍາ ສາດ ເຕັກນິກ ແລະ ຄວາມສາມາດການດຳເນີນທຸລະກິດ. ເພາະ ສະນັ້ນ, ການຊ່ວຍເຫຼືອຂອງ VECO ແມ່ນຊ່ວຍເຂົາເຈົ້າໃນການຍົກສູງຄວາມສາມາດໃນການເຮັດວຽກເປັນກຸ່ມ, ສ້າງຕ່ອງໂສ້ລາຄາຜະລິດຕະພັນ ເລີ່ມແຕ່ຂອດການຊັບຊ່າວ, ການລ້ຽງ, ການປູກເຖິງຂອດຈຳໜ່າຍຜະລິດຕະພັນອອກ ສູ່ຕະຫຼາດ.
ໄລຍະ 3 ປີຜ່ານມາ, VECO ໄດ້ຊ່ວຍເຫຼືອຫຼາຍທ້ອງຖິ່ນໃນດ້ານຄວາມສາມາດຜະລິດ ຜັກອິນຊີ ແລະ ຜັກປອດສານພິດຕາມ ມາດຕະຖານ ອິນຊີ PGS ຫວຽດນາມ. ພິເສດ, VECO ໄດ້ມີ ການຮ່ວມມືກັບສະມາຄົມມາດຕະຖານປົກປ້ອງ ຜູ້ບໍລິໂພກ (VINASTAS) ເພື່ອໂຄສະນາເຜີຍແຜ່ຄວາມຮູ້ໃຫ້ແກ່ຊາວກະ ສິກອນກ່ຽວກັບການນຳໃຊ້ຜະລິດຕະພັນຜັກປອດສານພິດ, ດ້ວຍເຫດນັ້ນ, ມີຕົວແບບຜັກປອດສານພິດຈຳນວນໜຶ່ງຢູ່ ຈາກວັນ (ແຂວງຮ່ານາມ), ແທງຊວນ (ຮ່າໂນ້ຍ), ຫວຽດຈີ່ (ແຂວງຝູ໋ເຖາະ) ມີການເຄື່ອນໄຫວເປັນຢ່າງດີຍ້ອນມີການຮ່ວມມືກັນລະຫວ່າງຜູ້ຜະລິດ, ວິສາຫະກິດ ແລະ ຜູ້ບໍລິໂພກ.
ຄອບຄົວຊາວກະສິກອນຈົດກ່າຍ ແລະ ກວດກາເຊິ່ງກັນ ແລະ ກັນ
ໃນຂະບວນການບົວລະບັດຜັກປອດສານພິດ. ພາບ: ຈິ້ງໂປ້/VNP
ຂັ້ນຕອນການຝັງຝຸ່ນອິນຊີ ເພື່ອຮັບໃຊ້ໃຫ້ການຜະລິດກະສິກຳ. ພາບ: ຈິ້ງໂປ້/VNP
ຊາວກະສິກອນຢູ່ ຈາກວັນ ນຳໃຊ້ກ້ານກ້ວຍ ເພື່ອປົກປ້ອງໃຫ້ຕົ້ນໄມ້ນ້ອຍ. ພາບ: ຈິ້ງໂປ້/VNP
ລະບົບຜັກນ້ອຍຫາກໍ່ປູກໃໝ່ຈະໄດ້ປົກດ້ວຍນິລອນ. ພາບ: ຈິ້ງໂປ້/VNP
ຈົດກ່າຍວິທີການຜະລິດຜັກອິນຊີຢ່າງລະອຽດ. ພາບ: ຈິ້ງໂປ້/VNP
ກອງປະຊຸມກຸ່ມຂອງສະມາຊິກ ສະຫະກອນ ຈາກວັນ (ຮ່ານາມ). ພາບ: ຈິ້ງໂປ້/VNP
ທ່ານ ຫງວຽນວັນຮວນ, ຮອງປະທານສະຫະກອນຕາແສງ ຈາກວັນ ມີການໂອ້ລົມກັນກັບຊາວກະສິກອນ
ກ່ຽວກັບແຜນການຜັນຂະຫຍາຍການປູກຜັກລະດູໃໝ່. ພາບ: ຈິ້ງໂປ້/VNP
ຊາວກະສິກອນທ້ອງຖິ່ນຕ່າງໆຢ້ຽມຢາມຕົວແບບປຸກຜັກປອດສານພິດທີ່ຕາແສງ ເວີນໂຮ້ຍ (ຮ່າໂນ້ຍ).
ພາບ: ເອກະສານ
ເກັບຜັກກາດຂຽວ. ພາບ: ຈິ້ງໂປ້/VNP
ກວດການຳ້ໜັກຂອງຜັກກ່ອນທີ່ຈະເອົາໃສ່ຖົງ ແລະ ຕິດສະແຕມ. ພາບ: ຈິ້ງໂປ້/VNP
ຜະລິດຕະພັນຜັກອິນຊີ ໄດ້ຕິດສະແຕມ ແລະ ຮັບປະກັນຕາມມາດຕະຖານ PGS. ພາບ: ຈິ້ງໂປ້/VNP
ຜະລິດຕະພັນຜັກອິນຊີ ຂອງສະຫະກອນ ແທງຊວນ (ຊອກເຊີນ, ຮ່າໂນ້ຍ). ພາບ: ຈິ້ງໂປ້/VNP
ຜະລິດຕະພັນຜັກອິນຊີ ຂອງສະຫະກອນ ຈາກວັນ ໄດ້ຫຸ້ມຫໍ່ຕາມມາດຕະຖານ PGS. ພາບ: ຈິ້ງໂປ້/VNP
ຄົນຕ່າງປະເທດເລືອກຊື້ຜັກປອດສານພິດຂອງ ສະຫະກອນ ຈາກວັນ (ຮ່ານາມ). ພາບ: ຈິ້ງໂປ້/VNP |
ພວກຂ້າພະເຈົ້າໄດ້ຕິດຕາມທີມງານ VECO, ໄປຢ້ຽມ ຢາມສະຫະກອນປູກຜັກອິນຊີຕາມມາດຕະຖານ PGS ທີ່ ຈາກວັນ (ແຂວງຮ່ານາມ). ຢູ່ທີ່ນີ້ພະນັກງານຂອງ VECO ໄດ້ຊ່ວຍສະຫະກອນນຳໃຊ້ມາດຕະຖານຜະລິດຜັກອິນຊີສຳເລັດຜົນ ຊຶ່ງໄດ້ຮັບການຢັ້ງຢືນຈາກສະຫະພັນຂະບວນການກາຍະ ອິນຊີສາກົນ IFOAM. ໃນເນື້ອທີ່ແຮັກຕາກວ່າ, ແຕ່ລະປີ ສະຫະກອນຜະລິດຜັກ, ມັນອິນຊີໄດ້ປະມານ 30 ຊະນິດ, ປະລິມານການເກັບກ່ຽວປະມານ 2,5 ໂຕນ ຕໍ່ເດືອນ, ຈຳໜ່າຍ ອອກສູ່ຕະຫຼາດພາຍໃນແຂວງ ຮ່ານາມ, ນາມດິ້ງ ແລະ ຮ່າໂນ້ຍໄດ້ດີສົມຄວນ.
ເຊັ່ນດຽວກັນ, VECO ໄດ້ຊ່ວຍເຫຼືອແຂວງ ຝູ໋ເຖາະ ສ້າງຕ່ອງໂສ້ ສາຍໄຍການຜະລິດຜັກປອດສານພິດ ເພື່ອຈຳໜ່າຍຜະລິດ ຕະພັນໃຫ້ແກ່ນະຄອນ ຫວຽດຈີ່ ແລະ ແຂວງໃກ້ຄຽງ. ຄຽງຄູ່ກັນນັ້ນ VECO ຍັງຊ່ວຍເຫຼືອແຂວງ ຝູ໋ເຖາະ ພັດທະນາເຂດປູກຊາ ທີ່ຕາແສງ ເລືອງເຊີນ, ເມືອງ ອຽນເລີບ ເພື່ອຂຸດຄົ້ນທ່າແຮງບົ່ມຊ້ອນໃນຂອງເຂດດິນດັ່ງກ່າວ. ມາເຖິງປະຈຸບັນ, ເມືອງ ອຽນເລີບ ໄດ້ ສ້າງຕັ້ງ ສະຫະກອນປູກຕົ້ນຊາ, ດຶງດູດໄດ້ຫຼາຍກວ່າ 370 ຕາແສງເຂົ້າຮ່ວມ.
ສາມາດເວົ້າໄດ້ວ່າ ການຊ່ວຍເຫຼືອສ້າງຕັ້ງບັນດາ ສະຫະກອນ ແລະ ກຸ່ມຊາວກະສິກອນຜະລິດຢ່າງຍືນຍົງເປັນໜຶ່ງໃນບັນ ດາເປົ້າໝາຍຫຼັກຂອງ VECO ໃນການໃຊ້ຄວາມ ພະຍາຍາມ ຊ່ວຍເຫຼືອຊາວກະສິກອນ ຫວຽດນາມ ບຸກບືນເພື່ອຫຼຸດພົ້ນຈາກ ຄວາມທຸກຍາກ. ຍ້ອນວ່າຜ່ານຕົວແບບດັ່ງກ່າວນີ້, ຊາວກະສິ ກອນສາມາດແບ່ງປັນບົດຮຽນ, ຍົກສູງປະສິດທິພາບໃນການ ຜະລິດ, ຈາກນັ້ນຈຶ່ງມີລາຍຮັບທີ່ໝັ້ນຄົງ ແລະ ຫຼາຍກວ່າເກົ່າ.
ບົດ: ບິກເວີນ - ພາບ: ຈິ້ງວັນໂປ້