ການປຸງແຕ່ງໝາກມ່ວງສົ່ງອອກໄປຍັງຕະຫຼາດ ອາເມລິກາ (ພາບ: TTXVN)

ເນື່ອງໃນໂອກາດທ່ານນາຍົກລັດຖະມົນຕີ ຟ້າມມິງຈິງ ນຳພາຄະນະຜູ້ແທນຂັ້ນສູງຂອງ ຫວຽດນາມ ເຂົ້າຮ່ວມກອງປະຊຸມປະຈຳປີ ຄັ້ງທີ 55 ເວທີປາໄສເສດຖະກິດໂລກ (WEF) ຢູ່ເທດສະບານ Davos ແລະ ເຮັດວຽກຢູ່ ສະວິດ, ວັນທີ 20 ມັງກອນ ທ່ານ Rebeca Grynspan ເລຂາທິການໃຫຍ່ອົງການ ສປຊ ກ່ຽວກັບການຄ້າ ແລະ ການພັດທະນາ (UNCTAD) ໄດ້ເນັ້ນໜັກວ່າ: ຫວຽດນາມ ໄດ້ກາຍເປັນແບບຢ່າງກ່ຽວກັບຈາກປະເທດໜຶ່ງທີ່ຍັງດ້ອຍພັດທະນາ ກາຍເປັນປະເທດທີ່ມີການປົວແປງສະຫວັດດີການ ແລະ ພັດທະນາເພື່ອປະຊາຊົນ. ພິເສດ, ຫວຽດນາມ ພວມເອົາໃຈໃສ່ເປັນພິເສດເຖິງນະວັດຕະກຳ ແລະ ວິທະຍາສາດເຕັກໂນໂລຢີ. ນີ້ແມ່ນປັດໄຈສຳຄັນສຳລັບ ຫວຽດນາມ, ນຳມາເຊິ່ງຜົນສຳເລັດໃຫ້ແກ່ອະນາຄົດ.

        ທ່ານເລຂາທິການໃຫຍ່ Rebeca Grynspan ເນັ້ນໜັກວ່າ ໃນຫຼາຍປີຜ່ານມາ, ຫວຽດນາມ ຍາມໃດກໍມຸ່ງໄປເຖິງຄຳໝັ້ນສັນຍາຢ່າງແຮງໃນບັນດາກົນໄກຮ່ວມມືຫຼາຍຝ່າຍ. ສິ່ງດັ່ງກ່າວ ໄດ້ສະແດງໃຫ້ເຫັນຢ່າງຈະແຈ້ງຜ່ານບັນດາການເດີນທາງໄປເຄື່ອນໄຫວຢູ່ຕ່າງປະເທດຂອງການນຳຂັ້ນສູງ ຫວຽດນາມ. ທ່ານເລຂາທິການໃຫຍ່ Rebeca Grynspan ຢັງຢືນວ່າ ເລື່ອງການນຳ ຫວຽດນາມ ເຂົ້າຮ່ວມເຫດການຢູ່ Davos  ມີຄວາມໝາຍສຳຄັນທີ່ສຸດ ເພາະວ່າ ບັນດາເຫດການຢູ່ Davos ມີຜູ້ແທນຫຼາຍທ່ານຢາກຊອກຮູ້ກ່ຽວກັບ ຫວຽດນາມ. ທ່ານເຊື່ອໝັ້ນວ່າ ກອງປະຊຸມ WEF ຢູ່ Davos ຈະແມ່ນບ່ອນທີ່ດີທີ່ສຸດເພື່ອແນະນຳກ່ຽວກັບ ຫວຽດນາມ.