23/09/2021 20:23 GMT+7 print

ການ​ເຄື່ອນ​ໄຫວ​ພົບ​ປະ​ຢູ່ນອກກອງ​ປະ​ຊຸມ​ສະ​ມັດ​ຊາ​ໃຫຍ່ ສ​ປ​ຊ ຊຸດ​ທີ 76 ຂອງລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ ບຸ່ຍ​ແທັງ​ເຊິນ

ວັນທີ 22 ກັນຍາ (ຕາມເວລາທ້ອງຖິ່ນ), ຢູ່ນິວຢອກ, ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທັງເຊີນ ໄດ້ມີການພົບປະກັບລັດຖະມົນຕີການຕ່າງປະເທດ ກູບາ, ໄທ, ອິນເດຍ, ອີຣານ, ອາຣັບບີ ຊະອຸດິ, ຮຸງກາຣີ, ອານເຊຣີ.

ທີ່ການພົບປະຄັ້ງຕ່າງໆ, ລັດຖະມົນຕີບັນດາປະເທດ ຕ່າງກໍຢັ້ງຢືນເພີ່ມທະວີການຊຸກຍູ້ການຮ່ວມມືດ້ານການເມືອງ - ການຕ່າງປະເທດ, ເສດຖະກິດ, ການຄ້າ, ການລົງທຶນ, ການທ່ອງທ່ຽວ, ແບ່ງປັນບົດຮຽນປະສົບການ ແລະ ການຮ່ວມມືໃນການປ້ອງກັນ, ຕ້ານໂລກລະບາດໂຄວິດ - 19, ພິເສດແມ່ນການຮ່ວມມືທາງດ້ານວັກຊິນ; ສົມທົບກັນ ແລະ ສະໜັບສະໜູນເຊິ່ງກັນແລະກັນໃນບັນດາເວທີປາໄສສາກົນທີ່ສຳຄັນ, ພິເສດແມ່ນສະໜັບສະໜູນ ຫວຽດນາມ ອອກສະໝັກຮັບເລືອກຕັ້ງເປັນສະມາຊິກສະພາສິດທິມະນຸດ ສປຊ ອາຍຸການ 2023 – 2025.
ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທັງເຊີນ ພົບປະກັບທ່ານລັດຖະມົນຕີການຕ່າງປະເທດ ອິນເດຍ (ພາບ: baoquocte.vn)

ໃນນັ້ນ, ທ່ານລັດຖະມົນຕີການຕ່າງປະເທດ ອິນເດຍ ຢັ້ງຢືນວ່າ ຈະສືບຕໍ່ຮ່ວມມື, ໜູນຊ່ວຍ ຫວຽດນາມ ກ່ຽວກັບວັກຊິນ, ຢາປິ່ນປົວ ໂຄວິດ - 19 ແລະ ວັດຖຸອຸປະກອນການແພດ; ພ້ອມທັງປາດຖະໜາຢາກຊຸກຍູ້ການຮ່ວມມືດ້ານການຄ້າ, ການລົງທຶນ, ພະລັງງານ; ແບ່ງປັນກ່ຽວກັບບັນຫາບັນຫາສາກົນ ເຊິ່ງສອງປະເທດມີຄວາມສົນໃຈ…

  ທ່ານລັດຖະມົນຕີການຕ່າງປະເທດ ຮຸງກາຣີ ແຈ້ງໃຫ້ຊາບວ່າ ຮຸງກາຣີ ໄດ້ປະຕິບັດສຳເລັດລະບຽບການພາຍໃນປະເທດໂດຍພື້ນຖານແລ້ວ ເພື່ອກຽມພ້ອມມອບວັກຊິນກັນພະຍາດໂຄວິດ - 19 Astra Zenecca ຈຳນວນ 400.000 ໂດສ ໃຫ້ແກ່ ຫວຽດນາມ; ພ້ອມທັງໃຫ້ຮູ້ວ່າ ຮຸງກາຣີ ຈະສືບຕໍ່ໃຫ້ບຸລິມະສິດຂາຍວັກຊິນກັນພະຍາດໂຄວິດ - 19 ໃຫ້ແກ່ ຫວຽດນາມ ຖ້າຫາກວ່າ ຫວຽດນາມ ມີຄວາມຕ້ອງການ ແລະ ມີຄວາມປາດຖະໜາຢາກຊຸກຍູ້ການຮ່ວມມືດ້ານການຄ້າ, ສາທາລະນະສຸກ, ການສຶກສາ - ບຳລຸງສ້າງໃຫ້ແກ່ ຫວຽດນາມ.
ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທັງເຊີນ ພົບປະກັບ ທ່ານລັດຖະມົນຕີການຕ່າງປະເທດ ຮຸງກາຣີ (ພາບ: baoquocte.vn)

        ທີ່ການພົບປະກັບທ່ານລັດຖະມົນຕີການຕ່າງປະເທດ ອີຣານ, ທ່ານລັດຖະມົນຕີການຕ່າງປະເທດ ບຸ່ຍແທັງເຊີນ ສະເໜີໃຫ້ສອງຝ່າຍ ສືບຕໍ່ຮັກສາການສຳຜັດ, ຈັດຕັ້ງກອງປະຊຸມຄະນະກຳມະການປະສົມເພື່ອຊຸກຍູ້ການຮ່ວມມືສອງຝ່າຍ; ສົມທົບກັນສົ່ງເສີມການຄ້າ, ການລົງທຶນ, ການທ່ອງທ່ຽວ; ສະເໜີໃຫ້ສືບຕໍ່ການສ້າງກອບນິຕິກຳກ່ຽວກັບການຮ່ວມມືລະຫວ່າງສອງປະເທດໃຫ້ສົມບູນແບບ.

(ແຫຼ່ງຄັດຈາກ VOV)