21/07/2021 23:01 GMT+7 print

USAID ໜູນຊ່ວຍເງິນເກືອບ 10 ລ້ານ USD ເພື່ອຊ່ວຍ ຫວຽດນາມ ຮັບມືກັບໂລກລະບາດ ແລະ ຫຼຸດຜ່ອນຜົນກະທົບຈາກໂລກລະບາດໂຄວິດ - 19

      ອົງການນີ້ ໄດ້ໜູນຊ່ວຍເງິນຈຳນວນ 4,7 ລ້ານ USD ເພື່ອຊ່ວຍ ຫວຽດນາມກະກຽມລະບົບຫ້ອງວິໄຈເຊື້ອພະຍາດໂຄວິດ - 19, ໜູນຊ່ວຍບັນດານັກຊ່ຽວຊານ, ເຕັກນິກ ກຽມຄວາມພ້ອມ ແລະ ຮັບມື, ປ້ອງກັນ, ສະກັດກັ້ນການແຜ່ລະບາດຢູ່ບັນດາຮາກຖານສາທາລະນະສຸກ, ກວດພະຍາດຢູ່ບັນດາດ່ານຊາຍແດນ… 
ພິທີມອບ - ຮັບເຄື່ອງຊ່ວຍຫາຍໃຈຂອງ USAID ທີ່ໜູນຊ່ວຍໃຫ້ແກ່ ຫວຽດນາມ (ພາບ: VOV)
      ອົງການພັດທະນາສາກົນ ອາເມລິກາ (USAID), ວັນທີ 21 ກໍລະກົດ ໃຫ້ຮູ້ວ່າ ອົງການນີ້ ໄດ້ໜູນຊ່ວຍເງິນຈຳນວນ 4,7 ລ້ານ USD ເພື່ອຊ່ວຍ ຫວຽດນາມກະກຽມລະບົບຫ້ອງວິໄຈເຊື້ອພະຍາດໂຄວິດ - 19, ໜູນຊ່ວຍບັນດານັກຊ່ຽວຊານ, ເຕັກນິກ ກຽມຄວາມພ້ອມ ແລະ ຮັບມື, ປ້ອງກັນ, ສະກັດກັ້ນການແຜ່ລະບາດຢູ່ບັນດາຮາກຖານສາທາລະນະສຸກ, ກວດພະຍາດຢູ່ບັນດາດ່ານຊາຍແດນ… ນອກຈາກນັ້ນ, ອົງການດັ່ງກ່າວ ຍັງສະໜອງ 5 ລ້ານ USD ເພື່ອໜູນຊ່ວຍການຫຼຸດຜ່ອນຜົນກະທົບຈາກໂລກລະບາດໂຄວິດ - 19 ຕໍ່ພື້ນຖານເສດຖະກິດ ຫວຽດນາມ.
        ໄລຍະຜ່ານມາ, ອາເມລິກາ ໄດ້ໜູນຊ່ວຍເງິນຈຳນວນກວ່າ 17 ລ້ານ USD ເພື່ອຊ່ວຍ ຫວຽດນາມ ຮັບມືກັບໂລກລະບາດ. ແລະກໍ່ຜ່ານອົງການ USAID, ອາເມລິກາ ໄດ້ໜູນຊ່ວຍເງິນ 2 ຕື້ USD ໃຫ້ແກ່ໂຄງການ COVAX ເພື່ອຊື້ ແລະ ແຈກຢາຍວັກຊິນ ກັນພະຍາດໂຄວິດ - 19 ໃຫ້ 92 ປະເທດ ທີ່ມີລາຍຮັບຕຳ ແລະ ປານກາງຕ່ຳ. ໃນນັ້ນ, ຫວຽດນາມ ໄດ້ຮັບວັກຊິນເກືອບ 2, 5 ລ້ານໂດສ.
(ແຫຼ່ງຄັດຈາກ VOV)