25/05/2021 09:11 GMT+7 print

ສ.ເກົາຫຼີເປີດສາຍຂົນສົ່ງ Container ໃໝ່ໄປຍັງ ໄທ ແລະ ຫວຽດນາມ

      ວັນທີ 24 ພຶດສະພາ, ບໍລິສັດໃຫຍ່ທ່າກ່ຳປັນທະເລ Incheon ຂອງ ສ.ເກົາຫຼີ ໄດ້ປະກາດເລີ່ມຂຸດຄົ້ນສາຍຂົນສົ່ງ container ໃໝ່ ທີ່ເລີ່ມແຕ່ທ່າກ່ຳປັນ Incheon ໄປຍັງບັນດາທ່າກ່ຳປັນຂອງ ໄທ ແລະ ຫວຽດນາມ.
ພາບປະກອບ: YONHAP News
      ສາຍທາງຂົນສົ່ງໃໝ່ນີ້ມີຊື່ວ່າ “NKT” (New Korea ThaiLan), ເລີ່ມຈາກທ່າກ່ຳປັນ Incheon, ໄປຜ່ານທ່າກ່ຳປັນ ແຫຼມຈະບັງ, ຢູ່ບັງກອກ ປະເທດ ໄທ ແລະ ທ່າກ່ຳປັນ ເຕິນກາດລ໊າຍ, ຢູ່ນະຄອນໂຮ່ຈີມິນ ຂອງ ຫວຽດນາມ. ສາຍຂົນສົ່ງໃໝ່ນີ້ຈະຈັດວາງ ກ່ຳປັນຂົນສົ່ງ 3 ລຳ ຂອງ 3 ບໍລິສັດຂົນສົ່ງທາງທະເລແມ່ນ: Korea, Chun Kyung ແລະ Namsung, ມີຖ້ຽວໜຶ່ງຕໍ່ອາທິດ.
        ບໍລິສັດໃຫຍ່ທ່າກ່ຳປັນທະເລ Incheon ປາດຖະໜາວ່າ ສາຍຂົນສົ່ງໃໝ່ນີ້ ຈະປະກອບສ່ວນເຂົ້າໃນການຊຸກຍູ້ຂົນສົ່ງສິນຄ້ານຳເຂົ້າສົ່ງອອກ, ສະໜອງການບໍລິການຂົນສົ່ງສິນຄ້າ ທີ່ເປັນປົກກະຕິ ລະຫວ່າງ ສ.ເກົາຫຼີ ແລະ ເຂດອາຊີຕາເວັນອອກສ່ຽງໃຕ້.
 (ແຫຼ່ງຄັດຈາກ VOV)