22/12/2020 09:12 GMT+7 print

ວິສາຫະກິດຫວຽດນາມ ແລະ ມາເລເຊຍ ຊຸກຍູ້ການຮ່ວມມື

      VMBIZ ແລະ BOCGB ລົງນາມໃນ MOU ໄດ້ສ້າງບາດກ້າວເປີດສາກທີ່ສະດວກ, ແຕ່ 2 ຝ່າຍຄວນປະຕິບັດການຫັນແນວຄວາມຄິດໃຫ້ປະກົດຜົນເປັນຈິງ

ພິທີລົງນາມໃນບົດບັນທຶກຊ່ວຍຈຳ (MOU)
(ພາບ: Bnews/TTXVN)
      ວັນທີ 20 ທັນວາ, ສະມາຄົມວິສາຫະກິດຫວຽດນາມ ປະຈຳມາເລເຊຍ (VMBIZ) ແລະ ກຸ່ມບໍລິສັດການເງິນ Blue Ocean (BOCGB) ໄດ້ລົງນາມໃນບົດບັນທຶກຊ່ວຍຈຳ (MOU) ເພື່ອແນໃສ່ຊຸກຍູ້ການຮ່ວມມື, ແລກປ່ຽນ ແລະ ຮ່ວມສຳພັນລະຫວ່າງວິສາຫະກິດຫວຽດນາມ ແລະ ມາເລເຊຍ. ຕາມນັ້ນແລ້ວ, VMBIZ ແລະ BOCGB ໄດ້ເຫັນດີສ້າງພື້ນຖານ ແລະ ສະພາບແວດລ້ອມແຫ່ງການຮ່ວມມືດຳເນີນທຸລະກິດ, ຈັດຕັ້ງເຫດການເພື່ອໃຫ້ນັກທຸລະກິດ ແລະ ວິສາຫະກິດຂອງ 2 ປະເທດພົບປະກັນ, ຊອກຫາກາລະໂອກາດທີ່ມີຄວາມສາມາດບົມຊ້ອນ, ລະດົບແຫຼ່ງກຳລັງໃຫ່ບັນດາໂຄງການລົງທຶນທີ່ມີປະສິດທິຜົນສູງ; ໜູນຊ່ວຍການສະໜອງຂໍ້ມູນກ່ຽວກັບໂຄງການ, ຕະຫຼາດ, ກຳແໜ້ນກາລະໂອກາດລົງທຶນ, ດຳເນີນທຸລະກິດໃຫ້ເປັນຢ່າງດີ ບໍ່ພຽງແຕ່ຢູ່ 2 ປະເທດເທົ່ານັ້ນ, ຫາກຍັງຢູ່ພາກພື້ນ ກໍຄືໃນໂລກອີກດ້ວຍ.
        ກ່າວຄຳເຫັນທີ່ພິທີລົງນາມ, ທ່ານເອກອັກຄະລັດຖະທູດຫວຽດນາມ ປະຈຳມາເລເຊຍ ເຈິ່ນຫວຽດທ໊າຍ ໃຫ້ຮູ້ວ່າ, VMBIZ ແລະ BOCGB ລົງນາມໃນ MOU ໄດ້ສ້າງບາດກ້າວເປີດສາກທີ່ສະດວກ, ແຕ່ 2 ຝ່າຍຄວນປະຕິບັດການຫັນແນວຄວາມຄິດໃຫ້ປະກົດຜົນເປັນຈິງ ດ້ວຍບັນດາໂຄງການຮ່ວມມື, ດຳເນີນທຸລະກິດ, ລົງທຶນລະອຽດ.
(ແຫຼ່ງຄັດຈາກ VOV)