01/07/2020 09:58 GMT+7 print

ອາ​ຊຽນ ແລະ ອົດ​ສະ​ຕາ​ລີ ປຶກ​ສາ​ຫາ​ລື​ການ​ຮ່ວມ​ມື​ໃນ​ການ​ຮັບ​ມື​ກັບ​ໂລກ​ລະ​ບາດ Covid – 19

ລັດຖະມົນຕີກະຊວງການຕ່າງປະເທດບັນດາປະເທດສະມາຊິກອາຊຽນ ແລະ ອົດສະຕາລີມີແຜນການຈັດຕັ້ງກອງປະຊຸມພິເສດຕາມຮູບການທາງອອນລາຍໃນວັນທີ 30 ມິຖຸນາ ເພື່ອປຶກສາຫາລືສະພາບການໂລກລະບາດ Covid – 19. 
ຄາດວ່າ, ທີ່ກອງປະຊຸມ, ບັນດາລັດຖະມົນຕີກະຊວງການຕ່າງປະເທດ ອາຊຽນ ແລະ ອົດສະຕາລີ ຈະແລກປ່ຽນບົດຮຽນ, ປະສົບການປະຕິບັດບັນດາມາດຕະການຮັບມືກັບໂລກລະບາດ Covid – 19 ຢ່າງມີປະສິດທິຜົນ. ເຈົ້າໜ້າທີ່ບັນດາປະເທດກໍ່ໄດ້ປຶກສາຫາລືບັນດາວິທີການເພີ່ມທະວີການພົວພັນຮ່ວມມື ແລະ ຄູ່ຮ່ວມມືລະຫວ່າງ ອາຊຽນ ກັບອົດສະຕາລີໃນບັນດາຂົງເຂດທັງໝົດເຊິ່ງຕ່າງຝ່າຍຕ່າງມີຜົນປະໂຫຍດ, ພິເສດແມ່ນໃນຂົງເຂດການແພດສາທາລະນະແບບສຸກເສີນ ແລະ ການຟື້ນຟູເສດຖະກິດໄລຍະຫຼັງ ໂລກລະບາດ Covid – 19. ນອກຈາກນັ້ນ, ສອງຝ່າຍກໍ່ໄດ້ວາງທິດທາງການຮ່ວມມືທີ່ຈະມາເຖິງ ໃນໄລຍະປະສົບກັບຄວາມຫຍຸ້ງຍາກຈາກບັນດາສິ່ງທ້າທາຍທົ່ວໂລກທີ່ຍາກຈະຄາດຄະເນລ່ວງໜ້າໄດ້ຂອງໂລກລະບາດ Covid – 19.
(ແຫຼ່ງຄັດຈາກ VOV)